ବରଗଡ :- ବରଗଡ଼ ଜିଲ୍ଲା ପାଇକମାଲ ବ୍ଲକ ଡୁଙ୍ଗୁରିପାଲି ରୁ ବୁଟୁରାଖମାର ରାସ୍ତାରେ ଆଜି ଦିପହର ସମୟରେ ଏକ ସଡକ ଦୁର୍ଘଟଣାରେ ନିଳାମ୍ବର ସୁନା (୪୦) ନାମକ ଜଣେ ବ୍ୟକ୍ତି ଙ୍କର ମୃତ୍ୟ ହୋଇଯାଇଛି । ପୋଲିସ ସୂତ୍ରରୁ ମିଳିଥିବା ସୂଚନା ମୁତାବକ ନିଳାମ୍ବର ଦିପହରେ ନିଜର ଜଣେ ସମ୍ପର୍କୀୟ ଙ୍କୁ ବାଇକ ଯୋଗେ ବୁଟୁରାଖମାର ଗ୍ରାମକୁ ଛାଡିବାକୁ ଯାଇଥିଲେ । ଫେରିବା ସମୟରେ କୋଣସି କାରଣରୁ ଭାରସାମ୍ୟ ହରାଇ ବାଇକ ରାସ୍ତାକଡ଼ରେ ଥିବା ଏକ ତାରବାଡ଼ ରେ ପିଟି ହୋଇ ବାଇକ ଦୁର୍ଘଟଣା ଗ୍ରସ୍ତ ହୋଇଯାଇଥିଲା । ବାଇକ ଦୁର୍ଘଟଣା ଗ୍ରସ୍ତ ହେବା ଦ୍ୱାରା ଆରୋହି ନିଳାମ୍ବର ତାରବାଡ଼ ଓ ତାରରେ ପିଟିହୋଇ ଯାଇଥିଲେ । ପିଟି ହେବା ଦ୍ୱାରା ତୁରନ୍ତ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ଦୁର୍ଘଟଣା ର ଖବର ପାଇବା ପରେ ପାଇକମାଲ ଥାନା ଅଧିକାରୀ ଶ୍ରୀ ବିଶ୍ଵଜିତ ମନବୋଧ ଙ୍କର ନିର୍ଦେଶରେ ସବ ଇନ୍ସପେକ୍ଟର ଶ୍ରୀ ପ୍ରଫୁଲ୍ଲ କୁମାର ପାଣିଗ୍ରାହୀ ପାଇକମାଲ ଥାନାରେ କେଶ ନମ୍ବର 172 , ଧାରା 279 ,304 A ଆଇପିସି ରେ ମାମଲା ରୁଜୁ କରି ଘଟଣା ସ୍ଥଳକୁ ପହଂଛି ଶବକୁ ବ୍ୟବଚ୍ଛେଦ ପାଇଁ ପଦ୍ମପୁର ଉପଖଣ୍ଡ ଡାକ୍ତରଖାନା କୁ ପଠେଇ ଦେଇଥିବା ସୁଚନା ରହିଛି ।