ବିଜେଡ଼ି ପ୍ରଚାରରେ ଯୋଗ ଦେଲେ ସିନେ କଳାକାର ସମ୍ବିତ ଓ ଏଲିନା।

ବାସୁଦେବପୁର(ପ୍ରତାପ ପାଢ଼ୀ) - ପୌର ନିର୍ବାଚନ ପ୍ରଚାର ଶେଷ ଦିନ ରେ ବାସୁଦେବପୁରରେ ଦେଖିବାକୁ ମିଳିଛି ରାଜନୈତିକ ଦଳ ମାନଙ୍କର ଜୋରଦାର ପ୍ରଚାର କାର୍ଯ୍ୟକ୍ରମ । କଂଗ୍ରେସ ଓ ବିଜେଡି ପକ୍ଷରୁ ବାଇକ ରାଲି କରାଯାଇଥିବା ବେଳେ ବିଜେପି ପକ୍ଷରୁ ଘରକୁ ଘର ବୁଲି ଭୋଟ ପାଇ ପ୍ରଚାର କାର୍ଯ୍ୟକ୍ରମ ହୋଇଛି। ବିଜେଡ଼ି ପକ୍ଷରୁ ବିଧାୟକ ବିଷ୍ଣୁ ବ୍ରତ ରାଉତରାୟ, ଭଦ୍ରକ ସାଂସଦ ମଞ୍ଜୁଲତା ମଣ୍ଡଳ ଓ ଦୂର୍ଗ।ଦତ୍ତ ରାଉତ ରାୟ, ସିନେ କଳାକାର ସମ୍ବିତ ଓ ଏଲିନା, ଶୁଭେନ୍ଦୁ ଭୁଷଣ ବେହେରା ପ୍ରଚାରରେ ଯୋଗ ଦେଇ ଥିବା ବେଳେ କଂଗ୍ରେସ ପକ୍ଷରୁ ପିସିସି ସାଧାରଣ ସମ୍ପାଦକ ଶ୍ରୀଯୁକ୍ତ ଅଶୋକ କୁମାର ଦାସ, ବିଜୟ କୁମାର ମହାନ୍ତି, ଯୋଗ ଦେଇଛନ୍ତି | ବିଜେପି ପକ୍ଷରୁ ଯୁବ ଉପ ସଭାପତି ଉଦୟ ନାରାୟଣ ମଲ୍ଲିକ ଓ କିଶୋର ମହାପାତ୍ର ପ୍ରଚାର କାର୍ଯ୍ୟକ୍ରମ କରିଛନ୍ତି। ଚଳିତ ପୌର ନିର୍ବାଚନ ରେ ବାସୁଦେବପୁରରେ ତିନି ଦଳର ପ୍ରାର୍ଥୀନୀଙ୍କ ମଧ୍ୟରେ ଲଢେଇ ଜୋରଦାର ହେବ ବୋଲି ସାଧାରଣ ରେ ଆଲୋଚନା ହେଉଛି।