ରାଉରକେଲା(ବସନ୍ତ କୁମାର ଜେନା): ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅଞ୍ଚଳରେ ହୋଇଥିବା ବିଭିନ୍ନ ଚୋରି ଘଟଣାରେ କୁତ୍ରା ପୋଲିସ ୪ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି । ଏହା ସହ ଚୋରି ହୋଇଥିବା ଦୁଇଟି ଗାଡିକୁ ମଧ୍ୟ ପୋଲିସ ଉଦ୍ଧାର କରିଛି । ଗତ ୧ ତାରିଖ ଦିନ ଅହମ୍ମଦ ରାଜା ଙ୍କ ଏକ ବୋଲେରୋ କୁତ୍ରା ସାପ୍ତାହିକ ହାଟରେ ରଖିଥିବା ବେଳେ ଚୋରି ହୋଇ ଯାଇଥିଲା ।
ସେହିପରି ଗତ ୫ ତାରିଖ ଦିନ କୁତ୍ରା ଗ୍ରାମର ଅନୁପ ଅଗ୍ରୱାଲଙ୍କ ଏକ ପିକଅପ୍ ଭ୍ୟାନ ମଧ୍ୟ ଚୋରି ହୋଇଥିଲା । ଏହି ଉଭୟ ଘଟଣାର ତଦନ୍ତ କୁତ୍ରା ପୋଲିସ କରୁଥିଲା। ଶୁକ୍ରବାର ଦିନ ପୁଲିସ ଏହି ଚୋରି ଘଟଣାରେ ୪ ଜଣଙ୍କୁ ଗିରଫ କରିବାରେ ସଫଳ ହୋଇଥିବା ବେଳେ ସେମାନେ ଲାଠିକଟା ଓ ବିଶ୍ରା ଅଞ୍ଚଳର ବୋଲି ଜଣାପଡିଛି । ସେମାନଙ୍କ ଠାରୁ ଚୋରି ହୋଇଥିବା ଉଭୟ ବୋଲେରୋ ଓ ପିକଅପ ଭ୍ୟାନ କୁ ପୋଲିସ ଉଦ୍ଧାର କରିଛି । ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ଏହିଘଟଣାରେ ଅନ୍ୟଜଣେ ଅଭିଯୁକ୍ତ ଫେରାର ହୋଇଯାଇଛି । ଗାଡି ଚୋରି ବ୍ୟତୀତ ଗିରଫ ଦୃବୃତ୍ତ ମାନେ ଜିଲ୍ଲାର ବିଭିନ୍ନ ସ୍ଥାନରୁ ଚୋରି ,ଡକାୟତି ଘଟଣାରେ ସାମିଲ ଥିବା ଜଣାପଡିଛି । ଅଧିକ ତଦନ୍ତ ଜାରି ରହିଛି।