ନିଶ୍ଚିନ୍ତକୋଇଲି/ଦେବେନ୍ଦ୍ର ଷଢଙ୍ଗି - ନିଶ୍ଚିନ୍ତକୋଇଲି ବ୍ଲକ ବଡ଼କ୍ଷୀର ଗ୍ରାମ ପଂଚାୟତର ଗିତୀନାଟ୍ୟ କଳାକାର ତଥା ସମାଜସେବୀ ଦୁର୍ଯ୍ୟୋଧନ ସ୍ୱାଇଁଙ୍କ ୯୨ ବର୍ଷ ବୟସରେ ପରଲୋକ ହୋଇଯାଇଛି । ସ୍ୱର୍ଗତ ସନାତନ ଜଣେ ମିଷ୍ଟଭାଷୀ, ସମାଜସେବୀ, ଆଧ୍ୟାତ୍ମିକବାଦୀ, କଳାକାର ଓ ପରୋପକାରୀ ଭାବେ ପରିଚିତ ଥିଲେ । ତାଙ୍କ ମର ଶରୀରକୁ ଶୋକାକୁଳ ପରିବେଶରେ ଗ୍ରାମ୍ୟ ଶ୍ମଶାନରେ ଦାହ କରାଯାଇଥିଲା । ତାଙ୍କର ପୁତ୍ର କୈଳାସ ଚନ୍ଦ୍ର ସ୍ୱାଇଁ ମୁଖାଗ୍ନି ଦେଇଥିଲେ । ଏହି ସମୟରେ ପତ୍ନୀ ଉଚ୍ଛୁଳି ସ୍ୱାଇଁ,ବଳରାମ ସ୍ୱାଇଁ,କୃଷ୍ଣଚନ୍ଦ୍ର ସ୍ୱାଇଁ,ପ ।ନନ ସ୍ୱାଇଁ,ଜ୍ୱାଇଁ ଗୌତମଚରଣ ମହାନ୍ତି ପୁତ୍ରବଧୂ. ଝିଅ ଜ୍ୱାଇଁ, ନାତି ନାତୁଣୀ ଆତ୍ମିୟସ୍ୱଜନ ଉପସ୍ଥିତ ଥିଲେ । ତାଙ୍କ ବିୟୋଗରେ ସମାଜସେବୀ ହିମାଂଶୁନାରାୟଣ ମଲ୍ଲ ଙ୍କ ସମେତ ବହୁ ବିଶିଷ୍ଟ ବ୍ୟକ୍ତିବିଶେଷ ଗଭୀର ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି । ମୃତ ଦୁର୍ଯ୍ୟୋଧନ ସ୍ଥାନୀୟ କୁଞ୍ଜବିହାରୀ ମଠ,କ୍ଷୀରେଶ୍ୱର ମନ୍ଦିର, ମା ଦୁର୍ଗା ଙ୍କ ପାଖରେ ଗୀତିନାଟ୍ୟ କାର୍ଯ୍ୟକ୍ରମରେ ହନୁମାନ ହୋଇ ନିଜର କଳାକୁ ଲୋକମାନଙ୍କୁ ଦେଖାଇଆସୁଥିଲେ ।