ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ବିଜୁ ଯୁବ ଜନତା ଦଳର ପ୍ରତେକ କର୍ମୀଙ୍କୁ ଆଗାମୀ ପଞ୍ଚାୟତ ନିର୍ବାଚନ ର ଡିଜିଟାଲ କ୍ୟାମ୍ପେନର ମୁଖ୍ୟ ପୁରୋଧା ସାଜିବା ନିମନ୍ତେ ଆହ୍ୱାନ।
ଭୁବନେଶ୍ୱର (ଶାସକ ପ୍ରଶାସକ) ଆଜି ବିଜୁ ଯୁବ ଜନତା ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଆଦେଶ କ୍ରମେ ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଅଧ୍ୟକ୍ଷତାରେ ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରିପ୍ରେକ୍ଷୀରେ ଏକ ପ୍ରସ୍ତୁତି ବୈଠକ ଆୟୋଜନ କରାଯାଇଥିଲା। ମାନ୍ୟବର ମୁଖ୍ୟମନ୍ତ୍ରୀଙ୍କ ଓଡ଼ିଶା ବିକାଶର କାର୍ଯ୍ୟଧାରା କୁ ପଞ୍ଚାୟତ ସ୍ତରରେ ପହଞ୍ଚାଇବା ସହ ଆଗାମୀ ପଞ୍ଚାୟତ ନିର୍ବାଚନ ରେ ବିଜୁ ଜନତା ଦଳ ସପକ୍ଷରେ କିପରି ବିପୁଳ ଜନମତ ଆସିବା ସେହି ଦିଗରେ କାର୍ଯ୍ୟକରିବା ନିମନ୍ତେ ଏହି ବୈଠକରେ ଆଲୋଚନା କରାଯିବା ସହ ପରାମର୍ଶ ଦିଆଯାଇଥିଲା।
ଏହି ପରିପ୍ରେକ୍ଷୀରେ ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ (ଯୁବ ଓ ଛାତ୍ର ବ୍ୟାପାର) ପ୍ରଣବ ବଳବନ୍ତରାୟ,ବିଜୁ ଯୁବ ଜନତା ଦଳର ରାଜ୍ୟ ସଭାପତି ଡ. ବ୍ୟୋମକେଶ ରାୟ ପ୍ରମୁଖ ଭର୍ଚୁଆଲ୍ ପ୍ଲାଟଫର୍ମ ମାଧ୍ୟମରେ ଯୋଡ଼ି ହୋଇ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ। ଏହି ଅବସରରେରେ ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ଶ୍ରୀ ପ୍ରଣବ ପ୍ରକାଶ ଦାସ ନିଜ ପ୍ରତିକ୍ରୟାରେ କହିଥିଲେ ବିଜୁ ଯୁବ ଜନତା ଦଳର ପ୍ରତ୍ୟେକ କର୍ମୀ ମୁଖ୍ୟମନ୍ତ୍ରୀ ନେତୃତ୍ୱରେ ସଶକ୍ତ ଓ ଆଧୁନିକ ଓଡ଼ିଶା ଗଠନ କରିବା ଦିଗରେ ସଦା ସର୍ବଦା କାର୍ଯ୍ୟକରିବା ଉଚିତ । ତତ୍ ସହିତ ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ ଶ୍ରୀ ପ୍ରଣବ ବଳବନ୍ତରାୟ ନିଜ ଅଭିଭାଷଣରେ ଉଲ୍ଲେଖ କରିଥିଲେ ଯେ ଆଗାମୀ ପଞ୍ଚାୟତ ନିର୍ବାଚନରେ ବିଜୁ ଯୁବ ଜନତା ଦଳର ପ୍ରତେକ କର୍ମୀ ବିଜୁ ଜନତା ଦଳର ସମସ୍ତ ପାର୍ଥି ନିମନ୍ତେ ଡିଜିଟାଲ କ୍ୟାମ୍ପେନ୍ ମାଧ୍ୟମରେ ମୁଖ୍ୟ ପୁରୋଧା ସାଜିବେ ।
ବିଜୁ ଯୁବ ଜନତା ଦଳର ରାଜ୍ୟ ସଭାପତି ଡ. ବ୍ୟୋମକେଶ ରାୟ ନିଜ ଅଭିଭାଷଣ ରଖି କହିଥିଲେ ମୁଖ୍ୟମନ୍ତ୍ରୀ ଦୀର୍ଘ ୨୧ବର୍ଷ ହେବ ଗରିବ,ଖଟିଖିଆ, ଶ୍ରମିକ ଓ ଜନସାଧାରଣଙ୍କ ସୁଖ ଦୁଃଖର ସାଥି ହୋଇଛନ୍ତି, ଏଥିସହ ମୁଖ୍ୟମନ୍ତ୍ରୀଙ୍କ ସ୍ଵଛ ପ୍ରଶାସନ ଓ ନିର୍ମଳ ଭାବମୂର୍ତ୍ତିକୁ ପାଥେୟ କରି ଦଳ ସିଧା ସଳଖ ଜନସାଧାରଣଙ୍କ ପାଖେ ପହଞ୍ଚିବ,ସେପଟେ କେନ୍ଦ୍ର ଅବହେଳା ନେଇ ମଧ୍ୟ ଘରେ ଘରେ ଲୋକଙ୍କୁ ଅବଗତ କରାଇବୁ, କିଭଳି ଦରଦାମ ନିୟନ୍ତ୍ରଣ, ୨ କୋଟି ନିଯୁକ୍ତି ଭଳି ମିଥ୍ୟା ପ୍ରତିଶୃତି ଦେଇ କେନ୍ଦ୍ର ପ୍ରତାରଣା କରିଛି ସେନେଇ ଲୋକଙ୍କୁ କହିବା ସହ ଶିଳ୍ପ କରିଡର, କୋଇଲା ରୋୟାଲିଟି, ମହାନଦୀ , ପୋଲଭରମ ସବୁ କ୍ଷେତ୍ରରେ କେନ୍ଦ୍ରର ଓଡିଶା ପ୍ରତି ଯେଉଁ ବୈମାତୃକ ମନଭାଵ ରହିଛି ତାକୁ ଲୋକଲୋଚନକୁ ଆଣିବା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ, କୋଭିଡ ପରିଚାଳନା, ବିପର୍ଯ୍ୟୟ ପରିଚାଳନା ସବୁ କ୍ଷେତ୍ରରେ ଓଡିଶା ସମଗ୍ର ଦେଶରେ ଏକ ନମ୍ବର ହୋଇଛି ଏବଂ ଆଗକୁ ମଧ୍ୟ ହେବ ସେଇ ଆଭିମୁଖ୍ୟକୁ ଲୋକଙ୍କ ପାଖେ ପହଞ୍ଚାଇବୁ ବୋଲି ମତବ୍ୟକ୍ତ କରିଛନ୍ତି ।
ଏହି ଅବସରରେ ବିଜୁ ଯୁବ ଜନତା ଦଳର ସମସ୍ତ ଜିଲ୍ଲା ସଭାପତି, ରାଜ୍ୟ କର୍ମକର୍ତ୍ତା ଓ ସମସ୍ତ ବ୍ଲକ୍, ମୁନସିପାଲଟି, ଏନ୍ଏସି ସଭାପତି ମଧ୍ୟ ଉପସ୍ଥିତ ଥିଲେ ଏବଂ କାର୍ଯ୍ୟକାରୀ ସଭାପତି ବୈକୁଣ୍ଠ ନାୟକ ଧନ୍ୟବାଦ ଅର୍ପଣ କରିଥିଲେ ।
