ସରକାରଙ୍କ ବିକାଶ ଯୋଜନା ବିଷୟରେ କର୍ମୀଙ୍କୁ ଦେଲେ ଗୁରୁମନ୍ତ୍ର
ବାଲେଶ୍ୱର -ରେମୁଣା ବିଧାୟକ ଶ୍ରୀ ସୁଧାଂଶୁ ଶେଖର ପରିଡା ନିଜ ନିର୍ବାଚନ ମଣ୍ଡଳୀ ଅନ୍ତର୍ଗତ ବିଭିନ୍ନ ଗ୍ରାମ ପଂଚାୟତକୁ ମାରାଥନ ଗସ୍ତ କରି ସରକାରଙ୍କ ବିକାଶ ଯୋଜନା ବିଷୟରେ ସାଧାରଣ ଲୋକଙ୍କୁ ସଚେତନ କରିବା ପାଇଁ କର୍ମୀଙ୍କୁ ଗୁରୁମନ୍ତ୍ର ଦେଇଛନ୍ତି I ଏଥି ସହ ଲୋକଙ୍କ ସୁଖ ଦୁଃଖରେ ସାଥି ହୋଇ ରହିଥିବା ବିଜେଡି ସମର୍ଥିତ ପ୍ରାର୍ଥୀ ମାନଙ୍କୁ ଚଳିତ ପଞ୍ଚାୟତ ନିର୍ବାଚନରେ ଭୋଟ ଦେଇ ବିଜୟୀ କରିବା ପାଇଁ ଭୋଟର ମାନଙ୍କୁ ନିବେଦନ କରିଛନ୍ତି I ଏହି କ୍ରମରେ ବିଧାୟକ ଶ୍ରୀ ପରିଡା ଗତକାଲି ବରୁଣସିଂ ଗ୍ରାମ ପଂଚାୟତ ଗସ୍ତ କରି ଘରକୁ ଘର ବୁଲି ଲୋକଙ୍କୁ ଭେଟିବା ସହ ନିଜର ମୂଲ୍ୟବାନ ଭୋଟ ଉଚିତ ପ୍ରାର୍ଥୀଙ୍କୁ ଦେବାପାଇଁ ନିବେଦନ କରିଥିଲେ I ରାଜ୍ୟରେ ବିକାଶମୂଳକ କାର୍ଯ୍ୟକୁ ଆଗେଇ ନେଉଥିବା ବିଜେଡି ସମର୍ଥିତ ପ୍ରାର୍ଥୀଙ୍କୁ ବିଜୟୀ କରି ନିଜ ପଞ୍ଚାୟତକୁ ସୁଦୃଢ କରିବା ପାଇଁ ଲୋକଙ୍କୁ ବୁଝାଇଥିଲେ I
ଏଥିରେ ବିଧାୟକ ଶ୍ରୀ ପରିଡା ଜିଲ୍ଲା ପରିଷଦ ସଦସ୍ୟ ବନ୍ଦିତା ନାୟକଙ୍କୁ ଦଳୀୟ ଶଙ୍ଖ ଚିହ୍ନ ରେ ଭୋଟ ଦେବା ସହିତ ଏହି ପଞ୍ଚାୟତର ସରପଞ୍ଚ ପ୍ରାର୍ଥୀ ଶ୍ରୀମତୀ ଝିଲିଶ୍ରୀ ମହାଳିକଙ୍କୁ ମାଛ ଚିହ୍ନରେ ଏବଂ ସମିତିସଭ୍ୟ ପ୍ରାର୍ଥୀ ଶ୍ରୀମତୀ ଶାନ୍ତା ଦାସଙ୍କୁ ବସ ଚିହ୍ନ ରେ ଭୋଟ ଦେବାପାଇଁ ବିଧାୟକ ଶ୍ରୀଯୁକ୍ତ ପରିଡା ଭୋଟର ମାନଙ୍କୁ ନିବେଦନ କରିଥିଲେ I ବିଧାୟକ ଶ୍ରୀଯୁକ୍ତ ପରିଡାଙ୍କ ବରୁଣସିଂ ପଞ୍ଚାୟତ ଗସ୍ତ ସ୍ଥାନୀୟ ଜନସାଧାରଣ ଏବଂ କର୍ମୀଙ୍କ ମଧ୍ୟରେ ବେଶ ଉତ୍ସାହ ପରିଲକ୍ଷିତ ହୋଇଥିଲା I
