ନୟାଗଡ(ବିଶ୍ଵଜିତ ନାୟକ) - ଆଜି ପ୍ରାର୍ଥୀପତ୍ର ପ୍ରତ୍ୟାହାର ପ୍ରକିୟା ଶେଷ ହୋଇଛି । ପ୍ରତ୍ୟାହାର ପ୍ରକିୟା ପରେ ନୟାଗଡ଼ ବ୍ଲକ କ୍ରିଦାଶପୁର ପଞ୍ଚାୟତ ବିଜେଡି ସମର୍ଥୀତ ସରପଞ୍ଚ ପାର୍ଥୀ ସଂଜୁବାଳା ବିଶ୍ୱାଳ ଏବଂ ସମିତିସଭ୍ୟ ପ୍ରାର୍ଥୀ ବାସନ୍ତି ଦେବୀ ଅପ୍ରତିଦ୍ୱନ୍ଦୀ ଭାବେ ବିଜୟ ଲାଭ କରିଛନ୍ତି । କ୍ରିଦାଶପୁର ପଞ୍ଚାୟତ ନିର୍ବାଚନ ମଇଦାନରେ ସରପଞ୍ଚ ପଦବୀ ପାଇଁ ୬ ଜଣ ପ୍ରାର୍ଥୀ ଏବଂ ସମିତି ସଭ୍ୟ ପଦବୀ ପାଇଁ ୨ ଜଣ ପ୍ରାର୍ଥୀ ରହିଥିଲେ । ସମସ୍ତ ପ୍ରାର୍ଥୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶ ଏବଂ ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁଙ୍କ ନେତୃତ୍ୱକୁ ଗ୍ରହଣ କରି ପ୍ରାର୍ଥୀପତ୍ର ପ୍ରତ୍ୟାହାର କରିଥିବା ଜଣାଯାଇଛି । ଦୁଇ ପ୍ରାର୍ଥୀ ବିଜୟ ଲାଭ କରିବା ପରେ ଦଳିୟ କାର୍ଯ୍ୟାଳୟଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ମନ୍ତ୍ରୀ ଡ. ସାହୁ ଦୁଇ ବିଜୟୀ ପ୍ରାର୍ଥୀଙ୍କୁ ସମ୍ବର୍ଦ୍ଧିତ କରିଛନ୍ତି । ଜନସାଧାରଣଙ୍କ ସେବା କରିବା ପାଇଁ ଆବଶ୍ୟକ ପଦକ୍ଷେପ ଏବଂ ଦଳିୟ ସଂଗଠନ ସମ୍ପର୍କରେ ବକ୍ତବ୍ୟ ଦେଇଛନ୍ତି । ଏହି ଅବସରରେ ଆୟୋଜିତ ମିଶ୍ରଣ ପର୍ବରେ କ୍ରିଦାଶପୁର ପଞ୍ଚାୟତର ବିଜେପି ସଭାପତି ଯୁଗଳ ମୁଦୁଲି ଏବଂ ବିଜେପି ନେତା ସୁଶାନ୍ତ ଆଚାର୍ଯ୍ୟ ବିଜେଡିରେ ଯୋଗ ଦେଇଛନ୍ତି । ମନ୍ତ୍ରୀ ଉଭୟଙ୍କୁ ବିଜେଡିକୁ ସ୍ୱାଗତ କରିବା ସହ କ୍ରିଦାଶପୁର ପଞ୍ଚାୟତ ବିରୋଧି ଶୁନ୍ୟ ବୋଲି କହିଛନ୍ତି ।