ରାଉରକେଲା,(ବସନ୍ତ ଜେନା); ଗତ ୨୧ ତାରିଖରେ ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅନ୍ତର୍ଗତ ଗଙ୍ଗାଜଳ ସ୍ଥିତ ସ୍କାନ ଷ୍ଟିଲର ୟୁନିଟ- ୨ର ଫରନେସ ରେ ବିସ୍ପୋରଣ ରେ ଜଳିଯାଇ ମୃତ୍ୟୁ ବରଣ କରିଥିବା କ୍ରେନ ଅପରେଟର ବାଳମୁକୁନ୍ଦଙ୍କ ସିଂଙ୍କ ପରିବାରକୁ କମ୍ପାନୀ କର୍ତ୍ତୃପକ୍ଷଙ୍କ ପକ୍ଷରୁ ୪ ଲକ୍ଷ ଟଙ୍କା ଅନୁକମ୍ପାମୂଳକ ରାଶି ପ୍ରଦାନ କରାଯାଇଛି।
ଘଟଣାର ୩ ଦିନ ପରେ ସୁନ୍ଦରଗଡରୁ ସାଇଣ୍ଟିଫିକ ଟିମ କାରଖାନାରେ ପହଞ୍ଚି ତଦନ୍ତ କରିଛନ୍ତି । ଅନ୍ୟପକ୍ଷରେ ବିସ୍ପୋରଣରେ ଆହତ ହୋଇଥିବା ଅନ୍ୟ ଦୁଇ କର୍ମଚାରୀ ଆଇ ଜି ଏଚରେ ଚିକିତ୍ସିତ ହେଉଛନ୍ତି। ସୂଚନାଯୋଗ୍ୟଯେ ଗତ ୨୧ ତାରିଖରେ କୁତ୍ରା ଗଙ୍ଗାଜଳ ସ୍ଥିତ ସ୍କାନ ଷ୍ଟିଲରେ ୟୁନିଟ-୨ ର ଚତୁର୍ଥ ଫରନେସ ରେ ବିସ୍ପୋରଣ ହୋଇ କ୍ରେନ ଅପରେଟର ବାଳମୁକୁନ୍ଦଙ୍କ ସମେତ ୩ଜଣ କର୍ମଚାରୀ ଜଳି ଯାଇ ଆହତ ହୋଇଥିଲେ। ସେମାନଙ୍କ ଚିକିତ୍ସା ଆଇଜିଏଚ ରେ ଚାଲିଥିବା ବେଳେ ବାଳମୁକୁନ୍ଦଙ୍କ ମୃତ୍ୟୁ ଚିକିତ୍ସା ଧୀନ ଅବସ୍ଥାରେ ହୋଇଥିଲା।