Parlakhemundi/ Balakrisna Panigrahi
ସ୍ଥାନୀୟ ରୋଟେରୀ କ୍ଲବ ପରିସରରେ ରାଜ୍ୟପାଳଙ୍କ ଟ୍ରଫି ୨୦୧୭-୧୮ ନିମନ୍ତେ ପୌରାଞ୍ଚଳ ସ୍ତରୀୟ ପ୍ରତିଭା ଅନ୍ୱେଷଣ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାରେ ଚିତ୍ରାଙ୍କନ, କଣ୍ଠସଙ୍ଗୀତ, ଓଡିଶୀ ନୃତ୍ୟ, ଲୋକନୃତ୍ୟ କନିଷ୍ଠ ଓ ବରିଷ୍ଠ ବିଭାଗରେ ୮୦ ଜଣ ପ୍ରତିଯୋଗି ଅଂଶ ଗ୍ରହଣ କରିଥିଲେ । ଚିତ୍ରାଙ୍କନରେ କନିଷ୍ଠ ବିଭାଗର ନୂତନ ରଇତ ପ୍ରଥମ ସ୍ଥାନ ଏବଂ ବରିଷ୍ଠ ବିଭାଗରେ କେଶବ ରଇତ , କଣ୍ଠ ସଙ୍ଗୀତରେ କନିଷ୍ଠ ବିଭାଗରେ ପ୍ରଥମ ଅମନ ବେହେରା, ବରିଷ୍ଠ ବିଭାଗରେ ଆଶୁତୋଷ ପ୍ରଥମ, ଲୋକନୃତ୍ୟରେ କନିଷ୍ଠ ବିଭାଗରେ ତହଲିମା ବେଗମ୍ ପ୍ରଥମ , ବରିଷ୍ଠରେ ପୁଷ୍ପାଞ୍ଜଳୀ ସାମଲ ଏହିପରି ଓଡିଶୀ ନୃତ୍ୟରେ କନିଷ୍ଠ ବିଭାଗରେ ତନିଷା ବେବର୍ତ୍ତା ପ୍ରଥମ, ବରିଷ୍ଠ ବିଭାଗରେ ଶିବାନୀ ପଟ୍ଟନାୟକ ପ୍ରଥମ ସ୍ଥାନ ହାସଲ କରିଥିଲେ ।
ରଘୁନାଥ ପାତ୍ର, ନୃସିଂହ ଚରଣ ପଟ୍ଟନାୟକ, ପରମେଶ୍ୱର ବେହେରା, ମୂରଲୀ ପରିଛା ବିଚାରକ ଭାବେ ଯୋଗ ଦେଇଥିଲେ । କୃତି ପ୍ରତିଭା ମାନଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ । ସମସ୍ତ ପ୍ରଥମ ସ୍ଥାନ ଅଧିକାର କରିଥିବା କୃତି ପ୍ରତିଯୋଗିମାନେ ୩୦.୦୭.୨୦୧୮ରିଖରେ ଜିଲ୍ଲା ସ୍ତରୀୟ ପ୍ରତିଭା ଅନ୍ୱେଷଣ ପ୍ରତିଯୋଗିତାରେ ଅଂଶ ଗ୍ରହଣ କରିବେ । ସମସ୍ତ କାର୍ଯ୍ୟକ୍ରମକୁ ପୌରପରିଷଦର ଘନଶ୍ୟାମ ବେହେରା ଓ କର୍ମକର୍ତ୍ତାମାନେ ପରିଚାଳନା କରିଥିଲେ ।
