ଅସ୍ତରଙ୍ଗ/ଦୁଃଶାସନ ନାୟକ: ପୁରୀସଦର ବ୍ଲକ ର ବାଲିପୁଟ ଗ୍ରାମଠାରେ ସ୍ବାଧୀନତା ସଂଗ୍ରାମୀ ଗୋବିନ୍ଦଚନ୍ଦ୍ର ତ୍ରିପାଠୀଙ୍କର ବିଂଶତମ ଶ୍ରାଦ୍ଧବାର୍ଷିକୀ ପାଳନ ଅବସରରେ ଗୋବିନ୍ଦ ତ୍ରିପାଠୀ ସ୍ମୃତି ପରିଷଦ ତରଫରୁ ଏକ ସମ୍ବର୍ଦ୍ଧିତ ପ୍ରତିଭା ସମାରୋହ ଅନୁଷ୍ଠିତ ହୋଇ ଯାଇଅଛି । ରାଜ୍ୟର ବରିଷ୍ଠ ତଥା ବୟୋଜଷ୍ଠ ସ୍ୱାଧୀନତା ସଂଗ୍ରାମୀ ପଦ୍ମଚରଣ ନାୟକ ଓ ବୟୋଜ୍ୟେଷ୍ଠ ଆଇନଜୀବୀ ପୁସ୍କର ମହାପାତ୍ର ଆଦି ଅତିଥି ଙ୍କ ଉପସ୍ଥିତିରେ ଆୟୋଜିତ ଏହି ସମାରୋହରେ ସଭାପତିତ୍ୱ କରିଥିଲେ ପରିଷଦର ସଭାପତି ବିଜୟ ଚନ୍ଦ୍ର ତ୍ରିପାଠୀ । ପୁରିଜିଲ୍ଲା ତଥା ଅସ୍ତରଙ୍ଗ ଓ କାକଟପୁର ଅଞ୍ଚଳର ବରିଷ୍ଠ ସାମ୍ବାଦିକ ଶ୍ରୀ ଦୁଃଶାସନ ନୟକ ଙ୍କୁ ଗୋବିନ୍ଦ ତ୍ରିପାଠୀ ଶ୍ରେଷ୍ଠ ସାମ୍ବାଦିକ ସମ୍ମାନରେ ମାନପତ୍ର ଉତ୍ତରୀୟ ଓ ଫୁଲତୋଡା ଦେଇ ନିମନ୍ତ୍ରିତ ଅତିଥି ମାନେ ସମ୍ମାନିତ କରିଥିଲାବେଳେ ଅସ୍ତରଙ୍ଗ ବ୍ଲକର ଜନତା ହାଇସ୍କୁଲ ବନ୍ତିଲୋ ର ବିଜ୍ଞାନ ଓ ଗଣିତ ଶିକ୍ଷକ ଚିତରଂଜନ ବିଶ୍ୱାଳ ଙ୍କୁ ଜଣେ ସ୍ୱନାମଧନ୍ୟ ଲେଖକ ଓ କବି ଭାବେ ପରିଷଦ ସମ୍ବର୍ଦ୍ଧିତ କରିଥିଲା । ଏହି ସମାରୋହରେ, ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ,କବି କବୟିତ୍ରୀ ଓ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ହାସଲ କରିଥିବା ବ୍ୟକ୍ତି ବିଶେଷ ଙ୍କୁ ଅନୁଷ୍ଠାନ ମଧ୍ୟ ସମ୍ବର୍ଦ୍ଧିତ କରିଥିଲା । ଅନୁଷ୍ଠାନର ସମ୍ପାଦକ ଗୋବିନ୍ଦଚନ୍ଦ୍ର ଫାରକ, ବିବରଣୀ ପାଠ କରିଥିଲେ । ଏହି କାର୍ଯ୍ୟକ୍ରମ ସମ୍ପୂର୍ଣ ଭାବେ କୋଭିଡ ନିୟମ ମୁତାବକ ପାଳନ କରାଯାଇ ଥିଲା । ପ୍ରାରମ୍ଭରେ ଅତିଥି ମାନେ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଜଗନ୍ନାଥଙ୍କ ମୂର୍ତି ରେ ପୁଷ୍ପମାଲ୍ୟ ଅର୍ପଣ କରିଥିଲେ । ନାରାୟଣ ଶତପଥୀ,ଚିନ୍ମୟ ବିବେକ,ଦୁଷ୍ମନ୍ତ କୁମାର ସାହୂ,ମନୋଜ ଦାସ,ପୁର୍ଣ ଚନ୍ଦ୍ର ତ୍ରିପାଠୀ ପ୍ରମୁଖ ଏହି ସମାରୋହ କୁ ପରିଚାଳନା କରିଥିଲେ ।