ରଣପୁର(ପ୍ରସନ୍ନ ସାମନ୍ତରାୟ): ନୟାଗଡ ଜିଲ୍ଲା ରଣପୁର ବିଜ୍ଞାପିତ ଅଞ୍ଚଳ ପରିଷଦ ବାଘସାମନ୍ତ ମିନି ଷ୍ଟାଡିୟମ ଠାରେ ହକି ଖେଳ ର ତୃଣମୂଳ ସ୍ତରୀୟ ପ୍ରଶିକ୍ଷଣ ଶିବିର ଉଦଘାଟିତ ହୋଇଯାଇଛି | ଏହି ଉଦଘାଟନ ଉତ୍ସବ ରେ ମୁଖ୍ୟ ଅତିଥି ଭାବେ ପୂର୍ବତନ ସାଂସଦ ତଥା ଭାରତୀୟ ପୁରୁଷ ହକି ଦଳ ର ପୂର୍ବତନ ଅଧିନାୟକ ଦିଲୀପ ତିର୍କି ଯୋଗ ଦେଇଥିବା ବେଳେ ସନ୍ନମ୍ମାନିତ ଅତିଥି ଭାବେ ଓଡିଶା ପ୍ରୋଜେଟ ଡାଇରେକଟର ରାଜୀବ ସେଠ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ଜିଲ୍ଲା କ୍ରୀଡା ଅଧିକାରୀ ସୁଜାତା ସାହୁ ପ୍ରମୁଖ ଯୋଗ ଦେଇ ଏହି ପ୍ରଶିକ୍ଷଣ ଶିବିର କୁ ଉଦଘାଟନ କରିଥିଲେ | ଏହି ସ୍ଥାନୀୟ ଅଞ୍ଚଳରେ ହକି ଖେଳୁଥିବା କୁନି କୁନି କ୍ରୀଡ଼ାବିତ ମାନେ ଉଚ୍ଚମାନ ର ପ୍ରଶିକ୍ଷଣ ପାଇବା ସହ ସମସ୍ତ ପ୍ରକାର ସୁବିଧା ସୁଯୋଗ ପାଇବେ ବୋଲି ଜଣା ଯାଇଛି | ଏହି ଅବସରରେ ଏକ ବନ୍ଧୁତ୍ୱ ପୂର୍ଣ୍ଣ ହକି ମ୍ୟାଚ ଢେଙ୍କାନାଳ ଓ ରଣପୁର ମଧ୍ୟରେ ଅନୁଷ୍ଠିତ ହୋଇଥିଲା ଏବଂ ଅତିଥି ମାନଙ୍କ ଦ୍ୱାରା ରଣପୁର ହକି ଟିମର ପ୍ରଶିକ୍ଷକ ମାନକୁ ସମ୍ମାନିତ କରାଯାଇଥିଲା |
ଅନ୍ୟ ମାନଙ୍କ ମଧ୍ୟ୍ୟ ରେ ଏହି ଉଦଘାଟନ ଉତ୍ସବ ରେ ପୂର୍ବତନ ବ୍ଲକ ଅଧକ୍ଷ ଦେବାଶିଷ ପଟ୍ଟନାୟକ, ରଣପୁର ସ୍ପୋର୍ଟ ଆସୋସିଏସନ ସମ୍ପାଦକ ସ୍ୱରାଜ ମହାନ୍ତି, ରଣପୁର ଏନଏସି ପୂର୍ବତନ ଉପଧାକ୍ଷ ପ୍ରିୟବ୍ରତ ପ୍ରହରାଜ, ଯୁବ ନେତା ଲିଙ୍ଗରାଜ ନାୟକ, ଶିବୁନ ରାୟ, ବିଷ୍ଣୁ ପ୍ରସାଦ ମିଶ୍ର, ଅମୀୟ ଦାଶ ଙ୍କ ସହିତ ରଣପୁର ସ୍ପୋର୍ଟ ଆସୁଏସେସନ ସମସ୍ତ କର୍ମକର୍ତ୍ତା ସାହାଯ୍ୟ ସହଯୋଗ କରିଥିଲେ |
