ପାଟଣାଗଡ଼,(ଯତୀନ୍ଦ୍ର ନନ୍ଦ) - ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ରାଜନୈତକ ଦଳ ମାନେ  ନିଜ ନିଜର ରଣନୀତି ପ୍ରସ୍ତୁତ କରି ଆଗକୁ କିପରି ନିର୍ବାଚନୀ ବୈତରଣୀ ପାରି କରିବେ ସେହି ହିସାବରେ ପ୍ରସ୍ତୁତ ହେଉଛନ୍ତି। ଅନ୍ୟପକ୍ଷରେ ଯେ, ରାଜ୍ୟ ସରକାର ଙ୍କ ବିଜୁ ଜନତା ଦଳର ଦିନକୁ ଦିନ ମିଶ୍ରଣ ପର୍ବ ଅନୁଷ୍ଠିତ ହୋଇଚାଲିଛି ! ସୂଚନାଯୋଗ୍ୟ, ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ମଧ୍ୟପୁର ଗ୍ରାମର ଫୁଟବଲ ଖେଳପଡିଆ ଠାରେ ଆଜି ବିଜୁ ଜନତା ଦଳର ମିଶ୍ରଣ ପର୍ବ ଅନୁଷ୍ଠିତ ହୋଇଛି।ଏଠାରେ ନକହି ରହିହେଉନି ଯେ ଦିନ ଥିଲା ବେଲପଡା ବ୍ଳକ-୨୬ ନମ୍ବର ଜୋନ୍ ବିଜେପି ଗଡ଼!ହେଲେ ବିଗତ ବର୍ଷ ଜିଲ୍ଲା ପରିଷଦ ପୁନଃ ନିର୍ବାଚନରେ ମଣ୍ଡଳ ଜୋନରେ ଯୁବ ବିଧାୟକ ସରୋଜ କୁମାର ମେହେର ଚ୍ୟାଲେଞ୍ଜ ସୃଷ୍ଟି କରି ବିଜୁ ଜନତା ଦଳକୁ ବିଜୟୀ କରିଥିଲେ! ଫଳରେ ଧିରେ ଧିରେ ବିଜୁ ଜନତା ଦଳର କର୍ମୀ ସଂଖ୍ୟା ବଢ଼ିବାରେ ଲାଗିଛି! ବର୍ତ୍ତମାନ ପଞ୍ଚାୟତ ନିର୍ବାଚନ ପାଖେଇ ଆସୁଥିବାରୁ ଆଜି ବେଲପଡା ବ୍ଳକ-୨୬ ନମ୍ବର ଜୋନରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା! ଏହି କାର୍ଯ୍ୟକ୍ରମ ରେ ସ୍ଥାନୀୟ ଅଞ୍ଚଳର ୭୦୦ କର୍ମୀ ଯୋଗଦାନ କରିଛନ୍ତି! ମଣ୍ଡଳର ଅଞ୍ଚଳର ଭାରତୀୟ ଜନତା ପାର୍ଟିର ପୁରୁଖା ନେତା ରଙ୍ଗାଧର ଠାକୁର ଓ କୋଶଳ ସଂଗ୍ରାମୀ ଜଗଜୀବନ ଭୋଇଙ୍କ ପରି ଟାଣୁଆ ନେତା ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଓ ନିର୍ମଲ ଶାସନରେ ଅନୁପ୍ରାଣିତ ହୋଇ ଏବଂ ବିଧାୟକ ସରୋଜ କୁମାର ମେହେରଙ୍କର ଜନକଲ୍ୟାଣ ମୂଳକ କାର୍ଯ୍ୟକ୍ରମ ସାଙ୍ଗକୁ ମହତ ଚିନ୍ତାଧାରା ଇତ୍ୟାଦି ପ୍ରତି ଆକୃଷ୍ଟ ହୋଇ ଆଜିର ଏହି ବିଜୁ ଜନତା ଦଳର ମିଶ୍ରଣ ପର୍ବରେ  ଯୋଗଦାନ କରିଛନ୍ତି। ଆଜିର ଏହି ମିଶ୍ରଣ ପର୍ବରେ ପାଟଣାଗଡ଼ ନିର୍ବାଚନ ମଣ୍ଡଳୀର ବିଧାୟକ ସରୋଜ କୁମାର ମେହେରଙ୍କ ସମେତ ବିଜୁ ଜନତା ଦଳର ଜିଲ୍ଲା ଉପସଭାପତି ମହେଶ୍ୱର ସାହୁ, ବିଧାୟକ ନମୋନି ଗଣେଶ କୁମ୍ଭାର,ଜିଲ୍ଲା ଯୁବ ସାଧାରଣ ସମ୍ପାଦକ ଦୁର୍ଯୋଧନ କୁମ୍ଭାର,ଜିଲ୍ଲା ପରିଷଦ ବିଶ୍ଵାମିତ୍ର ବିଶି, ପୂର୍ବତନ ଜିଲ୍ଲାପରିଷଦ ଦାମୋଦର ଯୋଶୀ,ମଣ୍ଡଳ ଜୋନର ସଭାପତି ଜଗନ୍ନାଥ ଖମାରୀ,ଧୁମାଭଟା ପଞ୍ଚାୟତ ସରପଞ୍ଚ ଯମୁନା ରଣା,ଯୁବା ପଞ୍ଚାୟତ ସରପଞ୍ଚ ପ୍ରତିନିଧି ଲକ୍ଷ୍ମୀ ଧର ପୁଟା,ବିଜେଡି ମଧ୍ୟପୁର ପଞ୍ଚାୟତ ସଭାପତି ସୁଦାମ ଦାସ ଆଦି ପ୍ରମୁଖ ମଞ୍ଚାସୀନ ଥିଲେ!!