ଭୁବନେଶ୍ୱର (ଶାସକ ପ୍ରଶାସକ) : ଏନସିସିର ପୁନର୍ବିନ୍ୟାସ ପାଇଁ ଗଠିତ ଜାତୀୟ ଉଚ୍ଚସ୍ତରୀୟ ବିଶେଷଜ୍ଞ କମିଟି ଅଧ୍ୟକ୍ଷ ବୈଜୟନ୍ତ ପଣ୍ଡା ଆଜି ରାଜଭବନ ଠାରେ ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କୁ ସୌଜନ୍ୟମୂଳକ ସାକ୍ଷାତ କରି ଆଲୋଚନା କରିଛନ୍ତି | ରାଜ୍ୟପାଳଙ୍କ ସହ ଆଲୋଚନା ସମୟରେ ଏନସିସି ମହାରାଷ୍ଟ୍ର ପୂର୍ବତନ ଅତିରିକ୍ତ ମହାନିର୍ଦ୍ଦେଶକ ତଥା ଏନସିସି ଜାତୀୟ ଉଚ୍ଚସ୍ତରୀୟ ବିଶେଷଜ୍ଞ କମିଟିର ସଦସ୍ୟ ମେଜର ଜେନେରାଲ ଆଲୋକ ରାଜ ମଧ୍ୟ ଉପସ୍ଥିତ ଥିଲେ |
ସୂଚନାଯୋଗ୍ୟ ଯେ, ଶ୍ରୀ ପଣ୍ଡା ଆଜି ପୂର୍ବାହ୍ନରେ ଢେଙ୍କାନାଳର ମହିଷାପାଟ ସ୍ଥିତ ୧୨ ବାଟାଲିୟନ ଏନସିସି ଅଫିସ ପରିଦର୍ଶନରେ କରିଥିଲେ | ସେଠାରେ ଏନସିସି ଅଫିସର ଓ କ୍ୟାଡେଟ ମାନଙ୍କ ସହିତ ଆଲୋଚନା କରିବା ସହ କ୍ୟାଡେଟ୍ ମାନଙ୍କ ଦ୍ଵାରା ଫାୟାରିଂ ,ୱ୍ୱିପନ ସୋ, ଅବଷ୍ଟ୍ରାକଲ ଆଦି ପ୍ରଦର୍ଶନ ଦେଖିଥିଲେ।