ସମ୍ବଲପୁରରୁ ରମାକାନ୍ତ ବିଶ୍ବାଳ: ସମ୍ବଲପୁର ଜିଲ୍ଲା ଧନକଉଡା ବ୍ଲକ ଅନ୍ତର୍ଗତ ଡୁଙ୍ଗିପାଲି ଗ୍ରାମରେ ଆଜି ଅଁଳା ନବମୀ ଉପଲକ୍ଷେ ପରିବେଶ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମ ରେ ପ୍ରଥମେ ଅଁଳା ବୃକ୍ଷ କୁ ପୂଜାଅର୍ଚ୍ଚନା କରି କାର୍ଯ୍ୟକ୍ରମ ର ଶୁଭାରମ୍ଭ କରାଯାଇଥିଲା ଏବଂ ପରେ ଗ୍ରାମର ସମସ୍ତ ମହିଳା ଓ ଶିଶୁ ମାନଙ୍କୁ ନେଇ ପରିବେଶ ସଚେତନତା ଉପରେ ଆଲୋଚନା ଚକ୍ର କରାଯାଇଥିଲା l ଏହି ସଭାରେ ବୃକ୍ଷ ରୋପଣ, ପରିବେଶ ର ସୁରକ୍ଷା ଓ ରକ୍ଷଣାବେକ୍ଷଣ ଉପରେ ଅତିଥି ମାନଙ୍କ ଦ୍ଵାରା ଆଲୋଚନା କରାଯାଇଥିଲା l ଏହି କାର୍ଯ୍ୟକ୍ରମ ରେ ଗୋପାଳ ରାଉତ ଓ ସୁରୁବୁଇ ରାଉତ ଦୁହେଁ ଅଁଳା ନବମୀର କର୍ତ୍ତା ହୋଇଥିବା ବେଳେ ମୁଖ୍ୟ ଅତିଥି ଭାବେ ପ୍ରକୃତି ବନ୍ଧୁ ତ୍ରିବିକ୍ରମ ପୋଢ଼, ପ୍ରକୃତି ବନ୍ଧୁ କିଶୋର ଛତର, ପ୍ରକୃତି ବନ୍ଧୁ ଦେବାଶିଷ ସାହୁ ପ୍ରମୁଖ ଉପସ୍ଥିତ ଥିଲେ l ଅନ୍ୟମାନଙ୍କ ମଧ୍ୟରେ ଦୟାନିଧି ଲାକଡା ଦୋଳlମଣୀ ଭୁଏ, ନୀଳିମା ଭୁଏ, ଅଙ୍କିତା ରାଉତ, ସୈରେନ୍ଦ୍ରୀ ପୋଢ଼ ପ୍ରଭୃତି ସହଯୋଗ କରିଥିଲେ l
