ଝାରସୁଗୁଡ଼ା :(ସୁଭାଷ ସହାରେ): ଝାରସୁଗୁଡ଼ା ଉପ-କାରାଗାରରେ ଦିନକୁ ଦିନ କୋରୋନା ସଂକ୍ରମଣର ଭୟ ବଢ଼ି ଚାଲିଛି। ପ୍ରତ୍ୟେକ ଦିନ ପ୍ରାୟ ୮ ରୁ ୧୦ ଜଣ ନୂତନ କଏଦୀଙ୍କ ଆଗମନ ଫଳରେ ଜେଲର କର୍ମଚାରୀ ଓ ଅନ୍ୟାନ୍ୟ ଅନ୍ତେବାସୀଙ୍କ ମଧ୍ୟରେ କୋରୋନା ସଂକ୍ରମଣର ବୃଦ୍ଧିକୁ ଅଣଦେଖା କରାଯାଇ ନ ପାରେ। ତେଣୁ ଜେଲ କର୍ତ୍ତୃପକ୍ଷଙ୍କ ଦ୍ବାରା ଏହା ପାଇଁ ସାବଧାନତା ଅବଲମ୍ବନ କରାଯାଇଥିବା ସୂଚନା ମିଳିଛି। ଜେଲର ୬ ନମ୍ବର ସେଲକୁ କ୍ବାରେନ୍ଟାଇନ୍ କେନ୍ଦ୍ରରେ ପରିଣତ କରାଯାଇଛି। ନୂତନ କଏଦୀମାନଙ୍କୁ ଆସିବା ପରେ ଚଉଦ ଦିନ ନିମନ୍ତେ ଏହି କ୍ବାରେନ୍ଟାଇନ କେନ୍ଦ୍ରରେ ରଖାଯିବା ପରେ ସେମାନଙ୍କୁ ଉଦ୍ଦିଷ୍ଟ ସେଲରେ ରଖାଯିବ ବୋଲି ସୂଚନା ଦେଇଛନ୍ତି ଜେଲ କର୍ତ୍ତୃପକ୍ଷ।