ପଦ୍ମପୁର,- ପଦ୍ମପୁର ଉପଖଣ୍ଡର ପାଇକମାଳ ବ୍ଲକ୍ ଅନ୍ତର୍ଗତ ବରତୁଣ୍ଡା ବଜାର ପ୍ରାଙ୍ଗଣ ରେ  ନୃସିଂହନାଥ ଜୋନ୍ କରଣ ସମାଜ ର ଆରାଧ୍ୟ ଦେବତା ମହାରାଜ ଚିତ୍ରଗୁପ୍ତ ଙ୍କ ପୂଜା ମହୋତ୍ସବ ଆଜି ଅନୁଷ୍ଠିତ ହୋଇଯାଇଛି।ପାଇକମାଳ ବ୍ଲକ୍ ଓ ଝାରବନ୍ଧ ବ୍ଲକ୍ ର କରଣ ସମାଜ ର ପରିବାରକୁ ନେଇ ଗଠିତ ହୋଇଥିବା ନୃସିଂହନାଥ ଜୋନ୍ କରଣ ସମାଜ ର ଏହି  ପୂଜା ମହୋତ୍ସବ ରେ ଅଞ୍ଚଳ ର ସମସ୍ତ କରଣ ଜାତି ର ସପରିବାର ଯୋଗ ଦେଇ ଥିଲେ।ପଣ୍ଡିତ ପୂର୍ଣ୍ଣଚନ୍ଦ୍ର ଦାସ ପୂଜାର୍ଚ୍ଚନା କରିଥିବା ବେଳେ ପୂଜାକର୍ତ୍ତା ଭାବେ ବିଜୟାନନ୍ଦ ପଟ୍ଟନାୟକ ଓ ତାଙ୍କ ଧର୍ମପତ୍ନୀ ଜୟସ୍ମିତା ପଟ୍ଟନାୟକ ଦାୟିତ୍ଵ ତୁଲାଇଥିଲେ।ଆରାଧ୍ୟ ଦେବଙ୍କ ପୂଜାର୍ଚ୍ଚନା ପରେ ପୁଷ୍ପାଞ୍ଜଳି ଅର୍ପଣ ଓ ପ୍ରସାଦ ସେବନ କରାଯାଇଥିଲା।ଏହାପରେ ମହାରାଜ ଚିତ୍ରଗୁପ୍ତ ଙ୍କ ପ୍ରତିମୂର୍ତ୍ତିକୁ ଅଙ୍ଗ ନଦୀ ରେ ବିସର୍ଜନ କରାଯାଇଥିଲା।କରଣ ସମାଜ ର ବିଭିନ୍ନ ସମସ୍ୟା ଉପରେ ଏକ ଗୁରୁତ୍ବପୂର୍ଣ୍ଣ ବୈଠକ ଶିକ୍ଷାବିତ୍ ଶରତ ଚନ୍ଦ୍ର ମହାନ୍ତି ଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା। ସର୍ବଶ୍ରୀ ତପନ କୁମାର ବହିଦାର ,ନରେନ୍ଦ୍ର କୁମାର ମହାନ୍ତି,ପ୍ରଶାନ୍ତ ପଟ୍ଟନାୟକ ଓ ମନ୍ମଥ ମହାନ୍ତି ପ୍ରମୁଖଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମ କୁ ସୁଚାରୁରୂପେ ସମ୍ପାଦନା କରାଯାଇଥିଲା।ପରିଶେଷରେ ପ୍ରମୋଦ କୁମାର ରାୟ ଧନ୍ୟବାଦ୍ ଅର୍ପଣ କରିଥିଲେ।