ଆବାସିକ ଅଞ୍ଚଳରେ ସାମାଜିକ ବନୀକରଣ ଓ ଉଦ୍ୟାନ ପ୍ରତି ଗୁରୁତ୍ୱାରୋପ 

ଭୁବନେଶ୍ୱର (ଶାସକ ପ୍ରଶାସକ):  ସହଜ ଏବଂ ବ୍ୟବସ୍ଥିତ ଭାବରେ ଜମି ରେକର୍ଡଗୁଡିକୁ ବ୍ୟବସ୍ଥିତ କରାଇବା ଏବଂ ଏହାର ପରିସୀମା ଅଧୀନ ମଧ୍ୟରେ ଥିବା ଜମି ଗୁଡିକର ରେକର୍ଡ କୁ ସୁଦୃଢ କରାଇବା ପାଇଁ ପୂର୍ବତଟ ରେଳପଥ ଏକ ଲ୍ୟାଣ୍ଡ ରେକର୍ଡ ଟାସ୍କ ଫୋର୍ସ ଗଠନ କରିଛି | 

ପୂର୍ବ ତଟ ରେଳ ପଥ ଅଧୀନରେ ଏବଂ ଏହାର ଅଧିକାର କ୍ଷେତ୍ରରେ ଥିବା ଜମି ସମ୍ବନ୍ଧୀୟ ଏକ ସମୀକ୍ଷା ବୈଠକରେ ରେଳପଥର ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣ ମୁଖ୍ୟ ଇଞ୍ଜିନିୟର (ସାଧାରଣ)ଙ୍କ ଅଧ୍ୟକ୍ଷତାରେ ରେଳପଥର ଲ୍ୟାଣ୍ଡ ରେକର୍ଡ ଟାସ୍କ ଫୋର୍ସ ଗଠନ କରିବାକୁ ଅଧିକାରୀମାନଙ୍କୁ ପରାମର୍ଶ ଦେଇଛନ୍ତି। ସମସ୍ତ ତିନୋଟି ବିଭାଗର ଇଷ୍ଟେଟ୍ ଅଧିକାରୀ, ଯଥା ଖୋର୍ଦ୍ଧା ରୋଡ୍, ୱାଲଟିୟର ଏବଂ ସମ୍ବଲପୁର ରେଳମଣ୍ଡଳ ସହିତ ମଞ୍ଚେଶ୍ୱର ରେଳଡବା ମରାମତି କାରଖାନା ଏବଂ ଉପମହାପ୍ରବନ୍ଧକ (ସାଧାରଣ) ଏହି ଲ୍ୟାଣ୍ଡ ରେକର୍ଡ ଟାସ୍କ ଫୋର୍ସର ସଦସ୍ୟ ଭାବେ ରହିବେ | 

ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣ ଅଧିକାରୀମାନଙ୍କୁ ନିର୍ଦ୍ଦେଶ ଦେଇ ଆସନ୍ତା ୨୦୧୧ ମାର୍ଚ୍ଚ ମାସ ସୁଦ୍ଧା ଏହି କାର୍ଯ୍ୟକୁ ସମ୍ପୂର୍ଣ୍ଣ କରିବାକୁ କହିଛନ୍ତି। ଏହି ଟାସ୍କ ଫୋର୍ସର ଉଦ୍ଦେଶ୍ୟ ହେଉଛି ମୋଟ ଜମିର ତାଲିକା ପ୍ରସ୍ତୁତ କରିବା ବ୍ୟତୀତ ପୂର୍ବତଟ ରେଳପଥର ପରିସୀମା ମଧ୍ୟରେ ଥିବା ରାଜ୍ୟ ତଥା ଜିଲ୍ଲା ଅନ୍ତର୍ଗତ ମୋଟ ଜମିର ଏବଂ ଲିଜ ମାଧ୍ୟମରେ ଦିଆଯାଇଥିବା ଜମି ଗୁଡିକର ସଠିକ ହିସାବ ରଖିବା |

ପୂର୍ବତଟ ରେଳପଥର ର ଲ୍ୟାଣ୍ଡ ରେକର୍ଡ ଟାସ୍କ ଫୋର୍ସ ମଧ୍ୟ ପ୍ରତ୍ୟେକ ଜମି କିମ୍ବା ଲିଜ ପ୍ଲଟ୍ ପାଇଁ ଟାଇଟଲ୍ ଡିଡ଼ ବା ଚୁକ୍ତିନାମା ଏବଂ ଲିଜ ଅଧିଗ୍ରହଣ ଜମି ଗୁଡିକର ପ୍ରାମାଣିକିକରଣର ବ୍ୟବସ୍ଥା କରିବା | ଏହା ବ୍ୟତୀତ, ଏହି ଟାସ୍କ ଫୋର୍ସ ପ୍ରତ୍ୟେକ ଜିଲ୍ଲାରେ ଥିବା ଜମି, ଅର୍ଥାତ୍ ଟ୍ରାକ୍ ଏବଂ ୟାର୍ଡ, ଆବାସିକ, ଶିଳ୍ପ ଇତ୍ୟାଦି ପାଇଁ ଉପଯୋଗୀ ତାଲିକା ପ୍ରସ୍ତୁତ କରିବ | ଏହା ସହିତ ପ୍ରତ୍ୟକ ରେଳବାଇ ଜମିର ନିର୍ଦ୍ଧାରଣକୁ ସୁନିଶ୍ଚିତ କରି ବାଉଣ୍ଡ୍ରି କିମ୍ବା ଯଥେଷ୍ଟ ଦୂରତା ବିଶିଷ୍ଟ ଫେନ୍ସିଂ ପୋଷ୍ଟ କିମ୍ବା ଆରସିସି ସ୍ତମ୍ଭ ସହିତ ସୀମା କାନ୍ଥ ମଧ୍ୟରେ କଣ୍ଟା ତାର ସହିତ ବାଡ ଦେବା ସମ୍ବନ୍ଧରେ ସଠିକ ଯୋଜନା କରିବା ସହିତ ସମନ୍ୱୟ ରକ୍ଷା କରିବା, ତଦାରଖ କରିବା ଇତ୍ୟାଦିର ସୁନିଶ୍ଚିତ କରାଇବା |

ଏହା ବ୍ୟତୀତ ଏହି ଟାସ୍କ ଫୋର୍ସ ଅଧିକୃତ ଜମି ଗୁଡିକରେ “ଜମି ପୂର୍ବ ତଟ ରେଳବାଇର ଅଟେ” ଏବଂ ରେଳ ଅଧିନିୟମ ଅନୁଯାୟୀ ଅନଧିକୃତ ପ୍ରବେଶ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ବୋର୍ଡ ଲଗାଇବେ । ଏହା ସହିତ ଉଭୟ ଜଙ୍ଗଲ ବିଭାଗ ଓ ରାଜ୍ୟ ସରକାରଙ୍କ ସହିତ ଜମି ବିନିମୟ ହାସଲ କରିବା ପାଇଁ ପୂର୍ବତଟ ରେଳପଥ ଅଧୀନରେ ଥିବା ପ୍ରତ୍ୟେକ ଜମିର ମାଲିକାନା ସମ୍ବନ୍ଧରେ କିମ୍ବା ବିବାଦ / ମତଭେଦ ଗୁଡିକର ସମାଧାନ ପ୍ରତି ଧ୍ୟାନ ଦେବେ | ଜମି ଲିଜ ନଥିବା କିମ୍ବା ଚୁକ୍ତିନାମା ଶେଷ ହୋଇଥିବା କିମ୍ବା ଶେଷ ହେବାକୁ ଥିବା ଚୁକ୍ତିନାମାକୁ ସ୍ଵାକ୍ଷର ଏବଂ ପୁନଃ ଅନୁସରଣ ଏବଂ ତଦାରଖ କରିବା, ଜିଲ୍ଲା ଗୁଡିକରେ ଥିବା ଗୁରୁତ୍ୱପୂର୍ଣ୍ଣ ଓ ସହଜ ଅଧିଗ୍ରହଣ ପାଇଁ ପୃଥକ ଜମି ତାଲିକା ପ୍ରସ୍ତୁତ କରିବା ଏବଂ ସମ୍ପୃକ୍ତ ତଥ୍ୟ ସହିତ ରେଳପଥର ଅଧୀନରେ ଥିବା ସମସ୍ତ ଜମିର ଏକ ଡିଜିଟାଲ୍ ତାଲିକା ହାସଲ କରିବା |

ପୂର୍ବ ତଟ ରେଳବାଇର ଏହି ଲ୍ୟାଣ୍ଡ ରେକର୍ଡ ଟାସ୍କ ଫୋର୍ସ ନିଜସ୍ୱ ମୋଡାଲିଟି ଉପକରଣ ଏବଂ ଉଚ୍ଚ ସ୍ତରର ଅଧିକାରୀଙ୍କ ସହ ଚିଠି ଲେଖିବା ପରିବର୍ତ୍ତେ ଅଧିକ ପ୍ରଭାବଶାଳୀ ହେବା ପାଇଁ ଜିଲ୍ଲା / ରେଞ୍ଜ ସ୍ତରରେ ନିମ୍ନ ସ୍ତରର କର୍ମଚାରୀ ମାନଙ୍କ ସହିତ ବ୍ୟକ୍ତିଗତ ଭାବେ ପାରସ୍ପରିକ କଥାବାର୍ତ୍ତା ସହିତ ଏହାର ଲକ୍ଷ୍ୟ ହାସଲ କରିବା ପାଇଁ ପ୍ରକ୍ରିୟା କରିବ |

 ସାମାଜିକ ବନୀକରଣ ଏବଂ ଉଦ୍ୟାନ

ପୂର୍ବତଟ ରେଳପଥ ମଧ୍ୟ ଏହାର ଆବାସିକ ଓ କାର୍ଯ୍ୟାଳୟ ଅଞ୍ଚଳରେ ସାମାଜିକ ବନୀକରଣ ଏବଂ କୃଷି ଉଦ୍ୟାନ ଉପରେ ଗୁରୁତ୍ୱାରୋପ କରି ବୃକ୍ଷ ଗୁଡିକର ଭଲ ଢାଞ୍ଚାରେ ରୋପଣ ଓ ତଦାରଖ କରିବାକୁ ଯୋଜନା କରିଛି। ବୃହତ ଧାତୁ କିମ୍ବା କଂକ୍ରିଟ ଦ୍ୱାରା ଆବଦ୍ଧ ହୋଇଥିବା ଖୋଲା ସ୍ଥାନଗୁଡିକ ନିର୍ମାଣ ସମୟରେ କୋମଳ ମାଟି ସହିତ କିଛି ଛୋଟ ଛୋଟ ଖୋଲା ସ୍ଥାନ ରହିବା ଉଚିତ ଯାହାକି ବୃକ୍ଷ ରୋପଣ ପାଇଁ ସୁବିଧା ହେବ ଯାହାଦ୍ୱାରା ବିଭିନ୍ନ ପ୍ରକାରର ଉଦ୍ଭିଦଗୁଡିକ ଏକ ଯୋଜନାବଦ୍ଧ ଢଙ୍ଗରେ ବ୍ୟବହୃତ ହେବ |

ସାଧାରଣ ଭାବେ ବଡ ବଡ ସଖା ଓ ଚେର ଥିବା ବୃହତ ବୃକ୍ଷ ସମୂହ ଯଥା ବରଗଛ ଓ ପିପ୍ପଳ ବା ଆଶ୍ୱସ୍ତ ବୃକ୍ଷ ଗୁଡିକୁ ଗୋଟିଏ ଗୋଷ୍ଠିରେ ରଖି ସଠିକ ସ୍ଥାନରେ ଅଥବା ବଡ଼ ଖୋଲା ସ୍ଥାନଗୁଡିକରେ ରୋପଣ କରାଯିବ | ସେହିଭଳି, ଇଉକ୍ଲିପଟସ୍, ନଡ଼ିଆ ପରି କ୍ଷୁଦ୍ର ଶାଖା ଏବଂ ପତଳା ଚେର ସମୂହ ଗଛଗୁଡିକ ଏବଂ ପତଳା ଚେର ସହିତ କ୍ଷୁଦ୍ର ଗଛ ଯଥା କଦଳୀ ପରି ପତଳା ଗଛଗୁଡିକ ବ୍ୟବସ୍ଥିତ ଭାବରେ ଲଗାଯିବ ଯାହା ଦ୍ୱାରା ଏଗୁଡିକ କୌଣସି ପ୍ରକାର କିଛି ବାଧା ଦେବ ନାହିଁ ଏବଂ ସୁନ୍ଦର ଭାବରେ ଦେଖାଯିବ |

ଯେପରି କାର୍ଯ୍ୟାଳୟ ଓ ଆବାସିକ ଗୃହ ଗୁଡିକ ଉପରେ ଛାଇ ନରହିବା ସହ ଏଗୁଡିକର ଚେର ଯେପରି ଗୃହ ଓ ବିଲଡିଂ ଉପରେ ପ୍ରଭାବ ନପକାଇବ ସେଥି ପ୍ରତି ବିଶେଷ ପଦକ୍ଷେପ ନିଆଯିବ ଏବଂ କୌଣସି ଅଟ୍ଟାଳିକା ଏବଂ ସଂରଚନା ପ୍ରତି ବିପଦ ସୃଷ୍ଟି କରିବ ନାହିଁ | କଲୋନୀ ପରି ଆବାସିକ କ୍ଷେତ୍ର ଏବଂ ଅଫିସ୍ କମ୍ପ୍ଲେକ୍ସ ପରି ପ୍ରତିଷ୍ଠା କ୍ଷେତ୍ରଗୁଡିକ ମାନଙ୍କରେ ଉପଯୁକ୍ତ ସ୍ଥାନରେ ଫଳ ଏବଂ ଫୁଲ ଗଛ ଲଗାଯିବ |

କଂକ୍ରିଟ ଚଟାଣ ମଧ୍ୟରେ ସଂକୀର୍ଣ୍ଣ ଛିଦ୍ର କରି ବା ଖୋଳି ବୃକ୍ଷ ରୋପଣ ନକରିବାକୁ ମହାପ୍ରବନ୍ଧକ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି କାରଣ ଏହା ଚେର ବୃଦ୍ଧି ପାଇଁ ପର୍ଯ୍ୟାପ୍ତ ସ୍ଥାନ ଦେବ ନାହିଁ ଏବଂ ନିର୍ମାଣ ହୋଇଥିବା ସ୍ଥାନ ପ୍ରତି ବିପଦ ସୃଷ୍ଟି କରିବ | ବୃକ୍ଷରୋପଣ ପାଇଁ ରାସ୍ତାର ଉଭୟ ପାର୍ଶ୍ୱରେ କୋମଳ ମୃତ୍ତିକା ସୃଷ୍ଟି କରିବାକୁ ଶ୍ରୀ ବିଦ୍ୟା ଭୂଷଣ ଅଧିକାରୀମାନଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି|