ଝାରସୁଗୁଡ଼ା :(ସୁଭାଷ ସହାରେ)- ଲକଡାଉନ ସମୟରେ ବିଭିନ୍ନ କଟକଣାକୁ ଉଲ୍ଲଂଘନ କରିଥିବା ଅଭିଯୋଗରେ ଲୋକଙ୍କଠାରୁ ଜୋରିମାନା ହାସଲ କରିଥିବାର ଏକ ବିଜ୍ଞପ୍ତି ଝାରସୁଗୁଡ଼ା ପୋଲିସ ଆଜି ଜାରି କରିଛନ୍ତି।
ଗତ ୧୪/୦୮/ ୨୦୨୦ ରୁ ୨୧/୦୮/ ୨୦୨୦ ପର୍ଯ୍ୟନ୍ତ ସାତ ଦିନ ମଧ୍ୟରେ ବିଭିନ୍ନ ନିୟମ ଉଲ୍ଲଘଂନ ପାଇଁ ସମୁଦାୟ ଟ ୨,୪୦,୯୫୦/- ଟଙ୍କା ଜୋରିମାନା ଆଦାୟ କରିଥିବା ଏହି ବିଜ୍ଞପ୍ତିରେ ପ୍ରକାଶ କରାଯାଇଛି। ଏଥି ମଧ୍ୟରୁ କେବଳ ମାସ୍କ ନ ପିନ୍ଧିବା ଯୋଗୁଁ ଟ ୨,୧୬,୭୫୦/ - ଆଦାୟ କରାଯାଇଛି।ଏହା ବ୍ୟତୀତ ସାମାଜିକ ଦୂରତା ରକ୍ଷାରେ ଅବହେଳା ପାଇଁ ଟ ୯,୭୦୦/- ଓ ମୋଟର ଭେଇକଲ ଆକ୍ଟ ଉଲ୍ଲଂଘନ ପାଇଁ ଟ ୧୪,୫୦୦/- ଆଦାୟ ହୋଇଛି।
ଏହା ମଧ୍ୟରେ ସମୁଦାୟ ୩୧ ଟି ଅବକାରୀ ମାମଲା ରୁଜୁ କରାଯାଇଥିବା ବେଳେ ୪୮୮ ଲିଟର ଦେଶୀମଦ ଜବତ କରାଯାଇଛି ବୋଲି ମଧ୍ୟ ସୂଚନା ମିଳିଛି।
