ଓଡ଼ଗାଁ, (ଶ୍ରୀକାନ୍ତ କୁମାର ମିଶ୍ର) : ରାଜ୍ୟରେ +୨ ପରୀକ୍ଷା ଫଳ ଆଜି ପ୍ରକାଶ ପାଇଛି । ସାରା ରାଜ୍ୟରେ ନୟାଗଡ଼ ଜିଲ୍ଲା ୮୬.୫୧ ପ୍ରତିଶତ ଫଳାଫଳ ରଖି ରାଜ୍ୟରେ ପ୍ରଥମ ସ୍ଥାନ ଅଧିକାର କରିଥିବା ବେଳେ ଓଡ଼ଗାଁ ଘୁନାଥ ସମବାୟ ମହାବିଦ୍ୟାଳୟ ପାସହାର ୯୬ ପ୍ରତିଶତ ରହିଛି । ଓଡ଼ଗାଁ କଲେଜରେ ସର୍ବମୋଟ ୧୨୭ଜଣ ପରୀକ୍ଷା ଦେଇଥିବା ବେଳେ ୧୨୨ଜଣ କୃତକାର୍ଯ୍ୟ ହୋଇଛନ୍ତି । ୫୦୧ ନମ୍ବର ରଖି ମନିଦୀପା ଦାସ ଓ ଦିବ୍ୟପ୍ରଭାବ ମହାପାତ୍ର କଲେଜରେ ପ୍ରଥମ ସ୍ଥାନ ଅଧିକାର କରିଥିବା ବେଳେ ୪୮୮ନମ୍ବର ରଖି ରୋଜାଲୀନ ଦାସ ୨ୟ ଏବଂ କାହ୍ନୁଚରଣ  ନାୟକ ୩ୟ ସ୍ଥାନ ଅଧିକାର କରିଛନ୍ତି । ଅନ୍ୟମାନଙ୍କ ମଧ୍ୟରେ ୫୭ ଜଣ ପ୍ରଥମ ଶ୍ରେଣୀରେ, ୫୧ଜଣ ଦିତୀୟ ଶ୍ରେଣୀରେ, ୧୪ ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ  ହୋଇ ଥିବା ଜଣାପଡିଛି । ଛାତ୍ର/ଛାତ୍ରୀଙ୍କର ସଫଳତା ପାଇଁ ଅଧ୍ୟକ୍ଷ ଅଶ୍ୱିନୀ କୁମାର ନାୟକଙ୍କ ସହିତ ସମସ୍ତ ଅଧ୍ୟାପକ ଅଧ୍ୟାପିକା ଅଭିଭାବକମାନେ ସେମାନଙ୍କୁ  ଶୁଭେଚ୍ଛା ଜଣାଇଛନ୍ତି ।