• ଭିତ୍ତିଭୂମି ସଂପ୍ରସାରଣ, ଟେଲିମେଡିସିନ ଏବଂ ସଚେତନତା ଉପରେ ବିଶେଷ ଗୁରୁତ୍ୱ 

• ଏମକେସିଜି ଓପିଡି ଓ ଏମର୍ଜେନ୍ସି ଶୀଘ୍ର ଖୋଲିବାକୁ ନିଆଗଲା ନିଷ୍ପତ୍ତି 

• ଖୁବ ଶୀଘ୍ର କାର୍ଯ୍ୟକ୍ଷମ ହେବ ୩୫୦ ଶଯ୍ୟା ବିଶିଷ୍ଟ ତିନୋଟି କୋଭିଡ କେୟାର ସେଣ୍ଟର 

• ମନସ୍ତାତ୍ତ୍ୱିକ ପରାମର୍ଶଦାତା ପାଇଁ ରହିବେ ମନସ୍ତତ୍ତ୍ୱବିତ, କରିବେ ଟେଲି  କାଉନ୍ସେଲିଂ 

• କୋଭିଡ ରୋଗୀମାନଙ୍କୁ ପରାମର୍ଶଦାତା ଭାବେ ନିଯୁକ୍ତି ଦିଆଯିବ, ପାଇବେ ୧୦୦୦ ଟଙ୍କା ପ୍ରୋତ୍ସାହନ ରାଶି  

ଭୁବନେଶ୍ୱର :ଗଞ୍ଜାମ ଜିଲ୍ଲାରେ କୋଭିଡ  ରୋଗକୁ ନିୟନ୍ତ୍ରଣ କରିବା ପାଇଁ ରାଜ୍ୟ ସରକାର ନୂତନ ରଣ କୌଶଳ ଗ୍ରହଣ କରିଛନ୍ତି |  ଏହି ରଣକୌଶଳ ଅନ୍ତର୍ଗତ  ଭିତ୍ତିଭୂମି ସମ୍ପ୍ରସାରଣ, ଟେଲି ମେଡିସିନ ଏବଂ ସଚେତନତା ଉପରେ ବିଶେଷ  ଗୁରୁତ୍ୱ ଦିଆଯାଇଛି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ  ଶ୍ରୀ ପ୍ରଦୀପ୍ତ ମହାପାତ୍ରଙ୍କ ଅଧ୍ୟକ୍ଷତାରେ ଲୋକସେବା  ଭବନରେ ଅନୁଷ୍ଠିତ ବୈଠକରେ ଏହି ନିଷ୍ପତ୍ତି ଗ୍ରହଣ କରାଯାଇଛି | 

ବୈଠକରେ ଗୃହୀତ ନିଷ୍ପତ୍ତି ଅନୁଯାୟୀ ନୂତନ ରଣକୌଶଳର  ମୁଖ୍ୟ ଲକ୍ଷ ରହିବ କୋଭିଡ-୧୯ ଜନିତ ମୃତ୍ୟୁକୁ ରୋକିବା, ତଦାରଖ ବ୍ୟବସ୍ଥାକୁ ଅଧିକ ସୁଦୃଢ କରିବା |  ଏମକେସିଜି ଓପିଡି ଓ ଏମର୍ଜେନ୍ସି ଶୀଘ୍ର ଖୋଲିବା ସହ  ସର୍ବୋପରି ଏହା ଯେପରି ୨୪ X ୭ କାର୍ଯ୍ୟ କରିବ ସେଥିପାଇଁ ବ୍ୟବସ୍ଥା କରିବାକୁ ନିଷ୍ପତ୍ତି ନିଆଯାଇଛି | ଏମକେସିଜିରେ ଜଣେ ଅତିତିକ୍ତ ସୁପରିଟେଣ୍ଡେଣ୍ଟ ନିଯୁକ୍ତ କରାଯିବ |  କୋଭିଡ ପରିଚାଳନାରେ ସେ  ସୁପରିଟେଣ୍ଡେଣ୍ଟଙ୍କୁ ସହାୟତା କରିବେ | 

ଏମକେସିଜି ଶିଶୁରୋଗ ୱାର୍ଡକୁ ୧୦୦ ଶଯ୍ୟା  ବିଶିଷ୍ଟ Covid Care Centre ରେ ପରିଣତ  କରାଯିବ  ଏବଂ ଏହା ଜିଲ୍ଲାପାଳଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ରହିବ | ସେହିପରି ବିଦ୍ୟୁତପୁରରେ  ୧୫୦ ଶଯ୍ୟା ବିଶିଷ୍ଟ Covid Care Centre

କରାଯିବ | ଶିଶୁମନ୍ଦିରରେ  ୧୫୦ ଶଯ୍ୟା  ବିଶିଷ୍ଟ Covid Care Centre କରାଯିବ | ଏହା ବ୍ରହ୍ମପୁର ମହାନଗର ନିଗମ ଦ୍ୱାରା  ପରିଚାଳିତ ହେବ |  ସିଟି ହସ୍ପିଟାଲ ସ୍ୱାସ୍ଥ୍ୟସେବା ଯୋଗାଇବ |  

ଅକ୍ସିଜେନ ସ୍ତର  କମ ଥାଇ ବିଳମ୍ବରେ ଚିକିତ୍ସା  ପାଇଁ ଆସୁଥିବା ରୋଗୀମାନଙ୍କ ପାଇଁ ପ୍ରତି CCC ଏବଂ CHC ରେ ୧୦ ପ୍ରତିଶତ ଶଯୟା ସଂରକ୍ଷିତ ରହିବ | Positive ରୋଗୀମାନଙ୍କ ଉତ୍କଣ୍ଠା କମାଇବା ପାଇଁ, ପରାମର୍ଶ ଦେବା ପାଇଁ  Psychiatrist ଙ୍କ  ନେତୃତ୍ୱରେ ମନସ୍ତାତ୍ତ୍ୱିକ ପରାମର୍ଶଦାତା ରହିବେ | ସେମାନେ  Tele Counseling କରିବେ |  ସୁସ୍ଥ ହୋଇଥିବା କୋଭିଡ  ରୋଗୀମାନଙ୍କୁ ପରାମର୍ଶଦାତା ଭାବେ ନିଯୁକ୍ତି ଦିଆଯିବ ଏବଂ Covid Monitor ଭାବରେ ସେମାନେ 

ଅନ୍ତତଃ ୧୦ ଜଣ ରୋଗୀଙ୍କୁ ଆଶୟକ  ପରାମର୍ଶ ଦେବେ | ଏଥିପାଇଁ ସେମାନଙ୍କୁ୧୦୦୦ ଟଙ୍କା  ଦିଆଯିବ |  Home Isolation ରେ ଥିବା ରୋଗୀମାନଙ୍କୁ Medicine Kit ଯୋଗାଇ ଦେବା ସହ ଓଡିଆରେ ଔଷଧ୍ ଖାଇବା ସୂଚନା ଦିଆଯିବ | ବ୍ରହ୍ମପୁର ଓ ଗୋପାଳପୁରରେ  ଥିବା ହୋଟେଲମାନଙ୍କୁ ଜିଲ୍ଲାପାଳ କୋଭିଡି  ଯୁଦ୍ଧରେ  ଆଗଧାଡ଼ିରେ ଥିବା ଡାକ୍ତର  ଓ ଅନ୍ୟମାନଙ୍କ ରହଣି ନିମନ୍ତେ ସଂରକ୍ଷିତ ରଖିବେ  |

ଜରୁରୀ  ଚିକିତ୍ସା ଆବଶ୍ୟକ କରୁଥିବା  ରୋଗୀମାନଙ୍କ ସୁବିଧା ପାଇଁ ଭେଷଜ ,ଶଲୟ, ମାନସିକ ରୋଗ ଏବଂ ଶିଶୁରୋଗ ମାନଙ୍କ  ସେବା ଟେଲି  ମେଡ଼ିସିନ ବ୍ୟବସ୍ଥା ଜରିଆରେ  ଯୋଗାଇଦେବା  ପାଇଁ ବ୍ୟବସ୍ଥା  କୋଯିବ |  କୋଭିଡ ପଜିଟିଭ  ରୋଗୀ ଓ ସୁସ୍ଥ ରହାଇଥିବା ରୋଗୀମାନଙ୍କୁମଧ୍ୟ ମାନସିକ ସ୍ୱାସ୍ଥ୍ୟ ପାଇଁ କଲ ସେଣ୍ଟର  ଜରିଆରେ ଆବଶ୍ୟକ ପରାମର୍ଶ ଦିଆଯିବ |