ରଂଗ ଆଣୁଛି କରୋନା ଯୋଦ୍ଧାଙ୍କ ନିରବଛିନ୍ନ ପ୍ରୟାସ
ଭୁବନେଶ୍ୱର(ମାନସୀ ମିଶ୍ର) : କରୋନା ବିରୋଧରେ ଲଢେଇ ଜାରି ରଖିଥିବା ଯୋଦ୍ଧାମାନଙ୍କ ନିରବଛିନ୍ନ ପ୍ରୟାସ ଯୋଗୁ ଆଜି ସୁସ୍ଥ ହେବାରେ ରାଜ୍ୟରେ ହୋଇଛି ରେକର୍ଡ | ଆଜି ଏକ ସମୟରେ ଭଲ ଜୋଇଁ ଘରକୁ ଫେରିଛନ୍ତି ୨୪୩ ଜଣ କରୋନା ଆକ୍ରାନ୍ତ | ଫଳରେ ରାଜ୍ୟରେ କରୋନାରୁ ସୁସ୍ଥ ବ୍ୟକ୍ତିଙ୍କ ସଂଖ୍ୟା ୫୦୦୦ ଟପି ୫୧୮୯ରେ ପହଂଚିଛି |
ଆଜି ସୁସ୍ଥ ହୋଇଥିବା ବ୍ୟକ୍ତିଙ୍କ ମଧ୍ୟରେ ୫୯ଜଣ ଗଜପତିରୁ, ୪୧ଜଣ ଗଂଜାମରୁ, ୩୮ଜଣ ଖୋର୍ଦ୍ଧାରୁ, ୧୭ଜଣ କନ୍ଧମାଳରୁ , ୧୫ଜଣ ଝାରସୁଗୁଡ଼ାରୁ, ୧୦ ଜଣ ସୁନ୍ଦରଗଡରୁ | ସେହିପରି ଭଦ୍ରକ, ଯାଜପୁର ଓ କେନ୍ଦ୍ରାପଡ଼ାରୁ ୮ଜଣ ଲେଖାଏ, କୋରାପୁଟରୁ ୭ଜଣ, ବରଗଡ ଓ ମୟୁରଭଞ୍ଜରୁ ୬ଜଣ ଲେଖାଏ , ଜଗତସିଂହପୁରରୁ ୫ଜଣ, କଟକ, ମାଲକାନଗିରିଓ ନବରଙ୍ଗପୁରରୁ ୪ଜଣ ଲେଖାଏ,ବାଲେଶ୍ୱରରୁ ୨ ଜଣ ଓ କଳାହାଣ୍ଡିରୁ ଜଣେ ସୁସ୍ଥ ହୋଇ ହସ୍ପିଟାଲରୁ ଛାଡ ପାଇଛନ୍ତି |
