New Delhi (shasak prashasak) : ଆଉ ଦୁଇ ସପ୍ତାହ ପାଇଁ ଲକ ଡାଉନ ଅବଧି ବଢ଼ାଇଛନ୍ତି କେନ୍ଦ୍ର ସରକାର | ଅର୍ଥାତ ୪ର୍ଥ ଥର ପାଇଁ ବଢିଛି ମେ ୩୧ ପର୍ଯ୍ୟନ୍ତ | ହେଲେ ଏଥର ସ୍ୱରୂପରେ କିଛିଟା ପରିବର୍ତ୍ତନ ହୋଇପାରେ | ଖୁବ ଶୀଘ୍ର ଏ ସମ୍ପର୍କରେ ଗାଇଡ଼ ଲାଇନ ଜାରି କରାଯିବ | ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀମାନଙ୍କ ସହ ପ୍ରଧାନମନ୍ତ୍ରୀଙ୍କ ଆଲୋଚନା ବେଳେ ଆସିଥିବା ନିଷ୍କର୍ଷକୁ ଆଧାର କରି ଲକ ଡାଉନ-୪ର ଗାଇଡ଼ ଲାଇନ ପ୍ରସ୍ତୁତ ହେବ | ସରକାରଙ୍କ ଲକ ଡାଉନ ନିଷ୍ପତ୍ତି ଯୋଗୁ ଭୁଶୁଡି ଯାଇଥିବା ଅର୍ଥନୀତ ଓ ବେରୋଜଗାରୀକୁ ଆଖିରେ ରଖି ପ୍ରସ୍ତୁତ ହେବ ମାର୍ଗଦର୍ଶିକା | ଆପାତତଃ ସର୍ବସାଧାରଣ ପରିବହନ, ହୋଟେଲ, ହୋଟେଲ ଖୋଲିବା ପାଇଁ ଅନୁମତି ମିଳିପାରେ | ଅଟୋ ଓ କ୍ୟାବ ମଧ୍ୟ ଜଣେ ଦୁଇ ଜଣ ପସେଞ୍ଜରଙ୍କୁ ନେଇ ଯାତ୍ରା କରିବାକୁ ଅନୁମତି ମିଳିପାରେ |
ସୂଚନାଯୋଗ୍ୟ ଯେ କେନ୍ଦ୍ର ସରକାରଙ୍କ ଲକଡାଉନ-୪ ଘୋଷଣା ପୂର୍ବରୁ ୫ଟି ରାଜ୍ୟ ଲକଡାଉନ ଅବଧି ବୃଦ୍ଧି କରଛନ୍ତି | ତାମିଲନାଡୁ ଓ ମହାରାଷ୍ଟ୍ର ସରକାର ମେ ୩୧ ଯାଏଁ ଲକଡାଉନ ବଢ଼ାଇଥିବା ବେଲେ ମିଜୋରାମ, ପଞ୍ଜାବ ଓ ତେଲେଙ୍ଗାନା ସରକାର ମଧ୍ୟ ଲକଡାଉନ ଅବଧିକୁ ବଢାଇଥିଲେ |
