ଓଡ଼ଗାଁ, କୁରାଳ,(ଶ୍ରୀକାନ୍ତ ମିଶ୍ର) : ସରକାରଙ୍କ ନିଷ୍ପତି ଅନୁସାରେ ବାହାରେ ଫସିରହିଥିବା ଓଡ଼ିଆ ମାନଙ୍କ ଫେରିବା ପାଇଁ ପଞ୍ଜିକରଣ ପ୍ରକ୍ରିୟା ଆରମ୍ଭ ହୋଇଛି । ଗତ ୨୪ ତାରିଖରୁ ଆରମ୍ଭ ହୋଇଥିବା ଏହି ପ୍ରକ୍ରିୟାରେ ଓଡ଼ଗାଁ ବ୍ଲକର ବିଭିନ୍ନ ପଂଚାୟତରେ ବହୁ ସଂଖ୍ୟାରେ ଆବେଦନ ପତ୍ର ପହଁଚିଥିଲେ ସୁଧା ସର୍ଭର ଡାଉନ ରହୁଥିବାରୁ ଅନଲାଇନ ପଂଜୀକୃତ ପ୍ରକ୍ରିୟା ବାଧାପ୍ରାପ୍ତ ହୋଇଛି । ଉଚ୍ଚମାନ କ୍ଷମତା ସମ୍ପନ୍ନ ଅନଲାଇନ ବ୍ୟବସ୍ଥା କରାଯାଇଥିଲେ ହୁଏତ ଏଭଳି ଅସୁବିଧାକୁ ଏଡାଇ ଦିଆଯାଇ ପାରିଥାନ୍ତା । କାରଣ ଗୋଟିଏ ସମୟରେ ସାରା ଓଡ଼ିଶାର ସମସ୍ତ ପଂଚାୟତରେ ଏହି ପ୍ରକ୍ରିୟା ଚାଲୁ ରହୁଥିବାରୁ କେଉଁଠାରେ ପଂଜୀକୃତ ହେଉଛି ତ ଅନ୍ୟ କେଉଁ ଠାରେ ସର୍ଭର ଡାଉନ ଯୋଗୁଁ ଯୋଗୁଁ ପଂଜୀକୃତ ହୋଇପାରିନାହିଁ ।
