ସମ୍ବଲପୁର, ଝାରସୁଗୁଡା ବ୍ୟୁରୋ ଚିଫ୍ ରମାକାନ୍ତ ବିଶ୍ବାଳ : କରୋନା ଭୁତାଣୁ ସଂକ୍ରମଣ ଯୋଗୁଁ ସାରା ଦେଶରେ ଲକ୍ଡାଉନ୍ ଥିବା ବେଳେ ସହରରେ ଦୋକାନ ବଜାର, ସହ ସମସ୍ତ ହୋଟେଲ ବନ୍ଦ ରହିଛି l ଏହା ଫଳରେ ବୁଲା ଗାଈ ଗୋରୁ ଓ କୁକୁର ମାନେ ଆହାର ନ ପାଇ କଲବଳ ହେଉଛନ୍ତି l ଏଭଳି ସମୟରେ ଲକ୍ ଡାଉନ ଆରମ୍ଭ ଦିନଠାରୁ ସମ୍ବଲପୁର ବିଜୁ ଯୁବ ବାହିନୀ ର କର୍ମକର୍ତ୍ତା ବୁଲି ବୁଲି ଏହି ବୁଲା ପ୍ରାଣୀ ମାନଙ୍କ ପାଇଁ ଖାଦ୍ୟ, ପାନୀୟ ଯୋଗାଉଛନ୍ତି l
ଆଜି ବିଜୁ ଯୁବ ବାହିନୀର ନିଶିକାନ୍ତ ବିଶ୍ୱାଳଙ୍କ ନେତୃତ୍ୱରେ ରାଜକୁମାର କିସାନ, ସୌମ୍ୟ ରଞ୍ଜନ ମୁଣ୍ଡା, ରଞ୍ଜନ ଦାଶ ପ୍ରମୁଖ ଅଇଁଠାପାଲି ଛକରେ ଏହି ବୁଲା ଗାଈ ଗୋରୁ ଙ୍କ ପାଇଁ ଘାସ, ଦାନା ଓ ତୋରାଣି ଏବଂ କୁକୁର ମାନଙ୍କ ପାଇଁ ଭାତ ମାଂସ ଖାଇବାକୁ ଦେଇଥିଲେ l ବିଜୁ ଯୁବ ବାହିନୀର ଏହି ସେଵା କାମକୁ ସାଧାରଣରେ ଖୁବ୍ ପ୍ରଶଂସା କରାଯାଇଛି l
