କଳାହାଣ୍ଡି ଧର୍ମଗଡ଼ : ଶିକ୍ଷକଙ୍କ ମାଡ଼ରେ ଛାତ୍ର ଗୁରୁତର
ଧର୍ମଗଡ଼ରୁ ଶୁସାନ୍ତ ରାଉତ : ଦଣ୍ଡମୁକ୍ତ ସ୍କୁଲ ପରିସର । ସ୍କୁଲ ପରିସରରେ ପିଲାଙ୍କୁ ମାଡ଼ ମାରିବାକୁ ନିଷେଧ କରାଯାଇଛି | ଠିକ ଅଛି, ପିଲାଙ୍କୁ ଶାସନ ପାଇଁ ସାର ଆକଟ କରନ୍ତୁ | ହେଲେ ଏମିତି କଣ ଅମଣିଷ ଭଳି ଗୋରୁ ଗାଈଙ୍କୁ ପିଟିଲା ପରି ପିଟିବେ ! ଜଣେ ଶିକ୍ଷକ ଏତେ ନୃଶଂସ କେମିତି ହୋଇପାରିବ |
ଏମିତି ଘଟିଛି କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ କନା ଗାଁ ସ୍କୁଲରେ | ଜଣେ ଛାତ୍ରକୁ ଶିକ୍ଷକ ସଂସ୍କୃତ ପରୀକ୍ଷାରେ ଇଂରାଜୀରେ ଲେଖିଲା ବୋଲି ଶିକ୍ଷକ ଏମିତି ମାଡ ମାରିଛନ୍ତି ଯେ ବର୍ବରତା ପଦାକୁ ଫୁଟି ବାହାରି ପଡୁଛି | ଠିକ ଅଛି, ପିଲାଟିକୁ ସଂସ୍କୃତ ଆସୁନି ବୋଲି ସେ ଇଂରାଜୀରେ ଲେଖିଦେଇଛି | ହେଲେ ତା ଖଟରେ ଶୂନ ମାର୍କ ଦେଇଦେଇ ଥାନ୍ତେ ! ତା ଅଭିଭାବକଙ୍କୁ ଡକାଇ ଦେଖାଇଥାନ୍ତେ | ତା ବାପା ମା ପରା ତାକୁ କୋରିଥାନ୍ତେ କି ଆଉ କଣ ପଦକ୍ଷେପ ନେଇଥାନ୍ତେ | ହେଲେ ପିଠିକୁ ଏମିତି ମାଡ଼ ମାରିଛନ୍ତି ଯେ ଆଙ୍ଗୁଳି ରୋଟରେ ନୋଳା ବସିଯାଇଛି | ପିଲାଟି ଯାଇ ତାକୁ ଘରେ ଦେଖାଇବା ପରେ ଏମିତି ନୋଳା ଦେଖି ବାପା ମା ବି ବ୍ୟଥିତ | ତେଣୁ ଅଭିଭାବକ ଆସି ପାଟିତୁଣ୍ଡ କରିବା ଥୟ | ଆଉ ପିଲାଟି ସହ ଏପରି ଅମାନବୀୟ ଦଣ୍ଡ ବିଧାନ ଦେଖି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା |
