ବଲାଙ୍ଗିର : (ସ୍ୱତନ୍ତ୍ର ପ୍ରତିନିଧି ସନ୍ତୋଷ କୁମାର ଠାକୁର ) ଶାନ୍ତିପୂର୍ଣ ଭାବରେ ବଲାଙ୍ଗିରରେ ବନ୍ଦ ପାଲିତ ହୋଇଯାଇଛି | ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ପଶ୍ଚିମ ଓଡିଶା ଓକିଲ ସଂଘ ପକ୍ଷରୁ ଦିଆଯାଇଥିବା ୧୨ ଘଣ୍ଟିଆ ମହାବନ୍ଦ ଡାକରାକୁ ସମର୍ଥନ କରି ବଲାଙ୍ଗିର ଓକିଲ ସଂଘ ପକ୍ଷରୁ ସ୍ଥାନୀୟ କଚେରି ଛକଠାରେ ବନ୍ଦପାଲନ କରାଯାଇଥିଲା | ଫଳରେ ସମସ୍ତ ଶିକ୍ଷାନୁଷ୍ଠାନ, ବ୍ୟାଙ୍କ, ସରକାରୀ ଓ ବେସରକାରୀ ସଂସ୍ଥା ଓ ଗାଡିମଟର ଚଳାଚଳ ସମ୍ପୂର୍ଣ ଭାବରେ ବନ୍ଦ ରହିଥିଲା |
ହାଇକୋର୍ଟରର ସ୍ଥାୟୀ ବେଞ୍ଚ ସ୍ଥାପନ ଦାବୀକୁ ଚପେଇଦେବାକୁ ସରକାର ଓ ବାରକାଉନସିଲର ଉଦ୍ୟମ ଏବଂ ପଶ୍ଚିମ ଓଡିଶା ର ଓକିଲଙ୍କୁ ଧମକକୁ ଘୋର ନିନ୍ଦା କରାଯାଇଛି | ରାଡ୍ୟ ବାରକାଉନସିଲ ମୁର୍ଦ୍ଧାବାଦ, ରାଜ୍ୟ ବାରକାଉନସିଲ ଦାଦାଗିରି ଚଲିବ ନାହିଁ ସ୍ଲୋଗାନ ଦେଇ ପିକେଟିଂ କରାଯାଇ ରାଜ୍ୟ ବାରକାଉନସିଲର କୁଶପୁତ୍ତଲିକା ଦାହ କରାଯାଇଥିଲା | ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ ନହେଲେ ସାମୂହିକ ବାର ଲାଇସେନ୍ସ ଫେରାଇଦେବାକୁ ଚାତାବନୀ ଦିଆଯାଇଛି | କୌଣସି ଅପରିସ୍ଥିତିକର ସ୍ଥିତି ଦେଖାଦେଇ ନଥିବା ବେଲେ ଉପଜିଲ୍ଲାପାଲ ତାଙ୍କ ସରକାରୀ ଗାଡିରେ ଯାଉଥିବା ସମୟରେ ଆନ୍ଦୋଲନକାରୀ ଘଟଣାସ୍ଥଲରୁ ଫେରାଇଦେଇଥିଲେ | ଏହି ବନ୍ଦ ଡାକରାକୁ ବଲାଙ୍ଗିର ଏକ୍ସନ କମିଟି, କୋଶଲ କୋଡିନେସନ କମିଟି, ଅନ୍ୟାନ୍ୟ ସାମାଜିକ ସଂଙ୍ଗଠନ ତଥା ବଲାଙ୍ଗିରର ଜନସାଧାରଣ ସମର୍ଥନ କରିଥିଲେ |
