ମେଲଛାମୁଣ୍ଡା,(ମନୋଜ ଭୋଇ) ମେଲଛାମୁଣ୍ଡା ଥାନା ଅର୍ନ୍ତଗତ କେଲେଣ୍ଡା ଗ୍ରାମର ବୀର ବଜରଙ୍ଗ କ୍ରିକେଟ ଏସୋସିଏସନ ଅନୁକୁଲ୍ୟରେ ଚାରି ଦିନ ବ୍ୟାପୀ ଚାଲିଥିବା ବୀର ବଜରଙ୍ଗ କପ ୨୦୨୦ କ୍ରିକେଟ ଟୁର୍ଣ୍ଣାମେଂଟ ରବିବାର ସଂଧ୍ୟାରେ ଉଦଯାପିତ ହୋଇଯାଇଛି । ଟୁର୍ଣ୍ଣମେଂଟରେ କୁଦୋପାଲି ଦଳ ଚଂପିଆନ ହୋଇଥିବା ବେଳେ ବାଟର୍ତେମା ଦଳ ଉପବିଜେତା ଭାବେ ପୁରସ୍କୃତ ହୋଇଥିଲେ । ଏହି ଅବସରରେ ପୂର୍ବତନ ସରପଂଚ ପ୍ରମୋଦ ମାଝୀଙ୍କ ସଭାପତିତ୍ୱରେ ଉଦଯାପନୀ ପର୍ବ ଅନୁଷ୍ଠିତ ହୋଇଥିଲା । ଏଥିରେ ବିଜେଡି ଯୁବ ନେତା ସୁବ୍ରତ ସିଂ ମୁଖ୍ୟ ଅତିଥି, ସାଲେପାଲି ଗ୍ରା.ପ ସରପଂଚଙ୍କ ପ୍ରତିନିଧି ଅନନ୍ତ ଭୋଇ, ଆନନ୍ଦ ଦିଶ୍ରୀ, ସରୋଜ ବିଶି, ପ୍ରଦୀପ ବେହେରା ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ କ୍ରିକେଟ ଖେଲର ଉଦେଶ୍ୟ ଓ ଆବଶ୍ୟକତା ଉପରେ ବକ୍ତବ୍ୟ ପ୍ରଦାନ କରିଥିଲେ । ଉଦଯାପନୀ ଦିନରେ ସମସ୍ତ ଦଳକୁ ପଛରେ ପକାଇ ଫାଇନାଲକୁ ଆସିଥିବା ବାଟର୍ତେମା ଓ କୁଦୋପାଲି ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମେ ଟସ ଜିଣି କୁଦୋପାଲି ଦଳ ୮ ଓଭର ବିନିମୟରେ ୧୦୪ ରନ ସଂଗ୍ରହ କରିଥିଲା । ଏହାର ଜବାବରେ ବାଟତେର୍ମା ଦଳ ପିଛା କରି ନର୍ଧାରିତ ଓଭରରେ ୫୨ ରନ ସଂଗ୍ରହ କରି କୁଦୋପାଲି ଦଳ ପାଖରୁ ପରାସ୍ତ ହୋଇଥିଲେ । ଆମନ୍ତ୍ରୀତ ଅତିଥି ଗଣ ଉଭୟ ଚଂପିଆନ କୁଦୋପାଲି ଏବଂ ଉପବିଜେତା ବାଟର୍ତେମା ଦଳକୁ ଟ୍ରଫି ପ୍ରଦାନ କରିଥିଲେ । କୁଦୋପାଲି ଦଳର ମାନସଙ୍କୁ ମ୍ୟାନ ଅଫ ଦି ମ୍ୟାଚ ଏବଂ ବାଟର୍ତେମା ଦଳର ଝିଲନକୁ ମ୍ୟାନ ଅଫ ଦି ସିରିଜ ଟ୍ରଫି ପ୍ରଦାନ କରାଯାଇଥିଲା । ଫାଇନାଲ ମ୍ୟାଚର ଖେଳକୁ ଅମିୟ ଆଚାର୍ଯ୍ୟ ଓ ପଦ୍ମଲୋଚନ ବିଶି ପରିଚାଳନା କରିଥିବା ବେଳେ ସୁଶିଲ ଦୀପ ଧାରା ବିବରଣୀ ପ୍ରଦାନ କରିଥିଲେ | ସେହିପରି ଆଲୋକ ଓ ଚିନ୍ମୟ ସ୍କୋରିଙ୍ଗ ଦାୟିତ୍ୱ ତୁଲାଇଥିଲେ । କାର୍ଯ୍ୟକ୍ରମ ସବୁକୁ ପଦୁ, ଯଦୁ, ବଲବନ୍ତ, ନିରଂଜନ,ଖଗେଶ୍ୱର, ଆଲୋକ ଓ ବୀର ବଜରଙ୍ଗ କ୍ରିକେଟ ଏସୋସିଏସନର ସମସ୍ତ ସଦସ୍ୟ ସହଯୋଗ କରିଥିଲେ । ଅଂଚଳର ହଜାର ସଂଖ୍ୟାରେ କ୍ରିକେଟ ପ୍ରେମି ମ୍ୟାଚ ଗୁଡିକୁ ଉପଭୋଗ କରିଥିଲେ ।
