ହରଭଙ୍ଗା/ ପ୍ରତାପ ମେହେର: ବୌଦ୍ଧ ଜିଲ୍ଲା ର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଲୋକ କଳା ବିକାଶ କେନ୍ଦ୍ର ( ଏଲ କେ ବି କେ ) ସରସରା ନିଜର ସଫଳ କାର୍ଯ୍ୟ ସଶକ୍ତିକରଣ ଏବଂ ବିଭିନ୍ନ କାର୍ଯ୍ୟକଳାପ ପାଇଁ ଦିଲ୍ଲୀ ରେ ସମ୍ବର୍ଦ୍ଧିତ କରାଯାଇଛି । ଅନୁଷ୍ଠାନର ସମ୍ପାଦିକା ଶ୍ରୀମତୀ ପୁଷ୍ପିତା ପ୍ରଧାନ ଏବଂ ପ୍ରଶାସନିକ ଅଧିକାରୀ ଦିଲ୍ଲୀ ଯାଇ ମାନପତ୍ର ଗ୍ରହଣ କରିଛନ୍ତି ।
ଡି ଇ ଏଫ୍ ( Digital Empowerment Foundation ) ତରଫରୁ ୬ତମ e NGO CHALLENGE ପ୍ରତିଯୋଗିତା ଏରୋସ୍ ହୋଟେଲ୍ , ନେହେରୁ ପ୍ୟାଲେସ୍ ନୂଆ ଦିଲ୍ଲୀରେ ଆୟୋଜନ କରାଯାଇଥିଲା । ଏଥିରେ ମୋଟ୍ ୭ ଟି ଦେଶ ଭାରତ, ନେପାଳ, ପାକିସ୍ତାନ, ବଙ୍ଗଳାଦେଶ, ଭୁଟାନ, ଆଫଗାନିସ୍ଥାନ ଓ ମାଳଦ୍ଵିପ ର ୪୩୯ ଟି ସଂସ୍ଥା ସାମିଲ୍ ହୋଇଥିଲେ । ସେଥିରୁ ୧୫୯ ଟି ଅନୁଷ୍ଠାନ ମନୋନୀତ ହୋଇଥିଲେ । ଏଥି ମଧ୍ୟରୁ ୬୨ ସଂସ୍ଥା ଫାଇନାଲ ପର୍ଯ୍ୟାୟରେ ପହଞ୍ଚିଥିଲେ । ଏଥି ମଧ୍ୟରୁ ୧୭ ଟି ସଂସ୍ଥା ବିଜୟ ଲାଭ କରିଥିଲେ । ସେଥି ମଧ୍ୟରେ ଓଡ଼ିଶାରୁ ୫ ଟି ସଂସ୍ଥା ମଧ୍ୟରୁ କେବଳ ଏଲ କେ ବି କେ ହିଁ ଫାଇନାଲ କୁ ପହଞ୍ଚି ବିଜୟ ଲାଭ କରିଥିଲା । ଏନେଇ ଅନୁଷ୍ଠାନ ର ସମ୍ପାଦିକା ଶ୍ରୀମତୀ ପୁଷ୍ପିତା ପ୍ରଧାନ ନିଜର ଅନୁଷ୍ଠାନ ର ସମସ୍ତ କର୍ମକର୍ତ୍ତା , ପରିବାର ର ସହଯୋଗ , ବୌଦ୍ଧ ବାସୀଙ୍କ ଭଲ ପାଇବା ପାଇଁ ଆଜି ଏସ୍ଥାନରେ ପହଞ୍ଚି ପାରିଛୁ ବୋଲି କହିଥିଲେ।
