ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଭକ୍ତି ସଙ୍ଗୀତ ସଂସଦ ର ପରିଚାଳିତ ସଙ୍ଗୀତ ବିଦ୍ୟାଳୟର ବାର୍ଷିକ ଉତ୍ସବ ସ୍ଥାନୀୟ ଗୌରହରି ପାଠାଗାର ଠାରେ ପାଳିତ ହୋଇଯାଇଛି। ଉଦ୍ ଘାଟକ ଭାବେ ଦେବୀ ମଠ ମହନ୍ତ ମହାରାଜ ଶ୍ରୀ ରାମାନନ୍ଦ ଦାସଜୀ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ ଘାଟନ କରିଥିଲେ। ଇଂ. ତୀର୍ଥବାସୀ ପଣ୍ଡାଙ୍କ ସଭାପତିତ୍ୱରେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା ମୁଖ୍ୟ ଅତିଥି ଭାବେ ଯୋଗଦେଇ ସଂଗୀତ ମଣିଷ ଜୀବନ ଉପରେ କିପରି ପ୍ରଭାବ ରହିଥାଏ ସେ ବିଷୟ କହିଥିଲେ।
ମୁଖ୍ୟବକ୍ତା ଭାବେ ଦୂରଦର୍ଶନ କଣ୍ଠ ଶିଳ୍ପୀ ଗଗନ ବିହରୀ ସ୍ବାଇଁ ଯୋଗଦେଇ ସଙ୍ଗୀତ ବଳରେ କିପରି ମନ ପବିତ୍ର ରହିଥାଏ ଏବଂ ଶାନ୍ତ ରହେ ସେ ବିଷୟରେ କହିଥିଲେ । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଗୁରୁ ରଘୁନାଥ ପାତ୍ର , ବିଜୟ ଚନ୍ଦ୍ର ପ୍ରଧାନ , ସଂସଦର ଉପସଭାପତି ପ୍ରଦୀପ ନାୟକ ପ୍ରମୁଖ ମଞ୍ଚାସୀନ ଅତିଥି ଭାବେ ଯୋଗ ଦେଇଥିଲେ।
ସଂସଦର ସମ୍ପାଦକ ପୂର୍ଣ୍ଣଚନ୍ଦ୍ର ରଥ ସ୍ୱାଗତ ଭାଷଣ ଦେଇଥିବା ବେଳେ ରାଜେନ୍ଦ୍ର ରଥ ଅତିଥି ପରିଚୟ ପ୍ରଦାନ କରିଥିଲେ। ଏହି ଅବସରରେ ଗଗନ ବିହରୀ ସ୍ବାଇଁ , ଭାଗବତ ପାଢ଼ୀଙ୍କୁ ସ୍ବର୍ଗତ ପ୍ରମୋଦ କୁମାର ପାଟ୍ଟଯୋଶୀ ସ୍ମୃତି ସମ୍ମାନରେ ସମ୍ବର୍ଦ୍ଧନା କରାଯାଇଥିବା ବେଳେ ଶ୍ରେଷ୍ଠ ଅଭିଭାବକ ଭାବେ ଶ୍ରୀ ରାଜୁ ନିଳାପୁ , ଶ୍ରୀ କାହ୍ନ ଚରଣ ଦାସ , ଗିରିଜା ଶଙ୍କର ମିଶ୍ରଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା।
ପରେ ଅନୁଷ୍ଠାନର ଛାତ୍ର ଛାତ୍ରୀ, ଗୁରୁ ରଘୁନାଥ ପାତ୍ର ଓ ଗଗନ ବିହରୀ ସ୍ବାଇଁ ସଂଗୀତ ପରିବେଷଣ କରିଥିଲେ। ସମସ୍ତ କାର୍ଯ୍ୟକ୍ରମକୁ ସ୍ନିଗ୍ଧା ମିଶ୍ର , ରଶ୍ମିରଞ୍ଜନୀ ବଡକୁମାର ,ଗିରିଜା ଶଙ୍କର ପଟ୍ଟନାୟକ , କୁଞ୍ଜ ବିହରୀ ବଡକୁମାର ,ଆକ୍ଷାଙ୍କା ପାଟ୍ଟଯୋଶୀ ପ୍ରମୁଖ ପରିଚାଳନା କରିଥିଲେ।
