ପାରଳାଖେମୁଣ୍ଡି/ ବାଳକୃଷ୍ଣ ପାଣିଗ୍ରାହୀ : ସ୍ବାଧିନତା ଦିବସ , ଶ୍ରୀ ଅରବିନ୍ଦଙ୍କ ଜନ୍ମଦିନ , ସୁରକ୍ଷା ଓ ବିଶ୍ୱାସର ପର୍ବ ରକ୍ଷା ବନ୍ଧନ ଓ ମହାପ୍ରଭୁ ବଳଦେବଙ୍କ ଜନ୍ମତିଥି ଏକା ଦିନରେ। ପଡ଼ିଥିବାରୁ ଏହି ଅବସରରେ ବାଲ ମୁକୁନ୍ଦ କେନ୍ଦ୍ର ପକ୍ଷରୁ ପାରଲା ସାହି ସ୍ଥିତ ଆପନ୍ନା ପରିଛା ପାଠାଗାର ପରିସରରେ "କୃପାଳୁ ଶିଶୁ ସାହିତ୍ୟ ଆସର " ସମ୍ପର୍କିତରେ "ଦେଶଭକ୍ତ ଆପନ୍ନା ପରିଛା" କାର୍ଯ୍ୟକ୍ରମ ଗତକାଲି ସଂଧ୍ୟାରେ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ବାଲ ମୁକୁନ୍ଦ କେନ୍ଦ୍ରର ସଂଯୋଜକ ଶ୍ରୀ ନିତ୍ୟାନନ୍ଦ ଚୌଧୁରୀ ଯୋଗ ଦେଇ ଅତିଥିଙ୍କ ପରିଚୟ ପ୍ରଦାନ କରି କାର୍ଯ୍ୟକ୍ରମ ପରିଚାଳନା ଥିବା ବେଳେ କେନ୍ଦ୍ରର ଉପଦେଷ୍ଠା ରାଜ କିଶୋର ପାଢୀ ସଭାପତିତ୍ବ କରିଥିଲେ । ମୁଖ୍ୟବକ୍ତା ଭାବେ ଆପନ୍ନା ପରିଛାଙ୍କ ପଣନାତି ମୁରଲୀ ଧର ପରିଛା ଯୋଗ ଦେଇ ଦେଶଭକ୍ତ ତଥା ନାଟ୍ୟକାର ଆପନ୍ନା ପରିଛାଙ୍କ କର୍ମମୟ ଜୀବନୀ ସମ୍ପର୍କରେ ଆଲୋଚନା କରିବା ସହ ଆମ ଦେଶ ଓ ରାଜ୍ୟର ସ୍ବାଧିନତା ସଂଗ୍ରାମୀ ମାନଙ୍କ ସହ ଦେଶଭକ୍ତ ନାଟ୍ୟକାର ପରିଛା ମିଶି ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନରେ ଏକ ପ୍ରମୁଖ ଭୂମିକା ଗ୍ରହଣ କରିଥିବା କହିଥିଲେ ।
ଅନ୍ୟତମ ଅତିଥି ଭାବେ ପାଠାଗାରର ପରିଚାଳକ କୃଷ୍ଣଚନ୍ଦ୍ର ପ୍ରଧାନ ଏବଂ ବରିଷ୍ଠ ନାଗରିକ ସୁରେନ୍ଦ୍ର ସ୍ବାଇଁ ପ୍ରମୁଖ ଯୋଗ ଦେଇଥିବା ଆଲୋଚନାରେ ଅଂଶଗ୍ରହଣ କରିଥିଲେ ।
ଶେଷରେ କୁଇଜ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପିଲାମାନଙ୍କୁ ସଭାପତି ଶ୍ରୀ ପାଢୀ ପୁରସ୍କାର ପ୍ରଦାନ କରିଥିଲେ । ଏହି ସମସ୍ତ କାର୍ଯ୍ୟକ୍ରମକୁ ସ୍ଥାନୀୟ ସ୍ବେଛାସେବୀ ରାଜେନ୍ଦ୍ର ବାରିକ , ହେମ ପ୍ରଧାନ , ଦ୍ରୁପଦି ବାରିକ ମମତା ଆପଟ ପ୍ରମୁଖ ପରିଚଳନା କରିଥିଲେ ।
