ବରଗଡ଼ରୁ  ନୀଳ ଦୀପ : ବିଶ୍ୱ ପ୍ରସିଦ୍ଧ ଧନୁଯାତ୍ରା ପାଇଁ ସଜେଇ ହୋଇ ଗଲାଣି ବରଗଡ଼ | ତାରିଖ ବାର ତିଥି ବି ବାହାରି ଗଲାଣି | ରାଜା ଉଗ୍ରସେନଙ୍କୁ ଗାଦିଚ୍ୟୁତ କରି ମହାରାଜ କଂସ କରିବେ ମଥୁରାରେ(ବରଗଡ଼)ରେ ରାଜୁତି | ମହାରାଜ କଂସଙ୍କ ଅଟ୍ଟହାସ୍ୟ ଆଉ ନିର୍ଯାତନାରେ ଥରହର ହେବ ମଥୁରାନଗରୀ |  ସେପଟେ ଗୋପ(ଅମ୍ବାପାଲ୍ଲୀ)ରେ ଲୀଳା ରଚିବେ  ଲୀଳାମୟ କୃଷ୍ଣ | ମଥୁରାର ସେଇ ରୁଦ୍ଧ କାରାଗାରରେ ଦେବକୀ କୋଳରେ ଜନ୍ମନେଇ ଆସିବେ କୃଷ୍ଣ ଗୋପପୁରକୁ ଯଶୋଦା ମା ଙ୍କ କୋଳକୁ  | ବାତ୍ସଲ୍ୟ ପ୍ରେମ ଓ ବାଲ୍ୟ ଲୀଳାର ସ୍ବର୍ଗୀୟ ଭାବନାରେ ଭିଜିବ ଗୋପପୁର | ଆଉ ଏଇ ନୈସର୍ଗିକ ଦୃଶ୍ୟର ଅବଲୋକନ ପାଇଁ ଜମିଲାଣି ଭିଡ ବରଗଡରେ | ଏହି ଅପୂର୍ବ ଲୀଳାକୁ ମଞ୍ଚସ୍ଥ କରାଇବା ପାଇଁ ପ୍ରସ୍ତୁତ ମଥୁରା ଓ ଗୋପପୁରବାସୀ |