ବାଲେଶ୍ୱର,(Ujjwal kar): ସ୍ଥାନୀୟ ସିଦ୍ଧି କଲ୍ୟାଣ ମଣ୍ଡପଠାରେ ଅଗ୍ରୱାଲ ସମାଜ ପକ୍ଷରୁ ଏକ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଯାଇଛି । ଅଗ୍ରୱାଲ ସମାଜର ଏକତା ଓ ଅଗ୍ରୱାଲ ସମାଜର ମହା ପୁରୁଷ ଅଗ୍ରସେନ ମହାରାଜଙ୍କ ଜନ୍ମଦିନ ଉପଲକ୍ଷେ ଏହି ଉତ୍ସବ ଅନୁଷ୍ଠିତ ହୋଇଥିଲା ବୋଲି ଉସ୍ତବର ଆୟୋଜକ ପ୍ରକାଶ କରିଛନ୍ତି । ଏହି ପରିପ୍ରେକ୍ଷୀରେ ପୂର୍ବରୁ ପିଲାମାନଙ୍କ ମଧ୍ୟରେ ସାଂସ୍କୃତିକ କାର୍ଯ୍ୟକ୍ରମ,ବରିଷ୍ଠ  ନାଗରିକମାନଙ୍କୁ ସମ୍ବର୍ଦ୍ଧନା, ଶ୍ଳୋକ ପ୍ରତିଯୋଗିତା, ଜିଲାପି ପ୍ରତିଯୋଗିତା, ଚିତ୍ରାଙ୍କନ, ଗଣିତ ଓ ବିଭିନ୍ନ ପ୍ରତିଯୋଗିତାମାନ ଅନୁଷ୍ଠିତ ହୋଇଥିଲା । ଏଥିରେ କୃତୀ ପ୍ରତିଯୋଗିମାନଙ୍କୁ ଉତ୍ସବରେ ପୁରସ୍କୃତ କରାଯାଇଥିଲା । ଏହି ଉତ୍ସବକୁ ଅଗ୍ରୱାଲ ସମାଜର ମୋହିତ ପୋଦାର, ଶିବୁ ପୋଦାର, ଅମିତ ଅଗ୍ରୱାଲ, ଗିରିଶ ମୋଦି, ଆଦିତ୍ୟ ସିଂ, ସୁଶିଲ ଜଲାନ୍, ମନୋଜ ପୋଦାର, ସଂଜୀବ ଅଗ୍ରୱାଲ, ସନ୍ତୋଷ ମୋଦି, ପ୍ରିୟା ଅଗ୍ରୱାଲ, ସୁନେନା ଅଗ୍ରୱାଲ, ମନିଷା ମୋଦି, ସେଲି ପୋଦାର ଓ ନିଶା ମୋଦି ପ୍ରମୁଖ ପରିଚାଳନା କରିଥିଲେ ।