୨୧୦ ମାମଲା ରୁଜୁ, ୬୪ ଗିରଫ
ଗଞ୍ଜାମ ପୋଲିସ କରିଛି ପ୍ରଶଂସନୀୟ କାର୍ଯ୍ୟ
ଭୁବନେଶ୍ୱରରୁ ଚକ୍ରଧର ମାଝି : ଦୀପାବଳିର ଦିନ ରାଜ୍ୟର ବିଭିନ୍ନ ଜିଲ୍ଲାରେ ପୋଲିସ ପକ୍ଷରୁ ବିଭିନ୍ନ ବେଆଇନ ବାଣ କାରଖାନା ଓ ବାଣଦୋକାନ ଉପରେ ବ୍ୟାପକ ଚଢାଉ କରାଯାଇଛି । ରାଜ୍ୟରେ ଦୀପାବଳିକୁ ନିରାପଦରେ ପାଳନ କରିବା ପାଇଁ ଆବଶ୍ୟକ ସତର୍କତାମୂଳକ ପଦକ୍ଷେପ ନେବାକୁ ରାଜ୍ୟର ସମସ୍ତ ଏସପି ଓ ଡିସିପିଙ୍କୁ ପୂର୍ବରୁ ନିର୍ଦେଶ ଦିଆଯାଇଥିବା ବେଳେ ପୋଲିସ ମହାନିର୍ଦେଶକ ଡ ଆରପି ଶର୍ମାଙ୍କ ନିର୍ଦେଶକ୍ରମେ ଦୀପାବଳୀ ଦିନ ସତର୍କତା ପଦକ୍ଷେପ ସ୍ୱରୂପ ଏହି ଚଢାଉ ହୋଇଥିଲା । ଦୀପାବଳି ଦିନ ମଧ୍ୟରାତ୍ରୀ ପର୍ଯ୍ୟନ୍ତ ହୋଇଥିବା ଏହି ଚଢାଉ ଅନ୍ତର୍ଗତ ବେଆଇନ ଭାବେ ବାଣ ତିଆରି କରୁଥିବା ଅନେକ କାରଖାନାକୁ ସିଲ କରାଯାଇଥିବା ବେଳେ ବିଭିନ୍ନ ବେଆଇନ ବାଣଦୋକାନ ବନ୍ଦ କରିଦିଆଯାଇଥିଲା । ଏହି ଚଢାଉ ବେଳେ ଗଞ୍ଜାମ ପୋଲିସ ପ୍ରଶଂସନୀୟ କାର୍ଯ୍ୟ କରିଥିବା ପୋଲିସ ମହାନିର୍ଦେଶାଳୟ ପକ୍ଷରୁ କୁହାଯାଇଛି । ଗଞ୍ଜାମ ପୋଲିସ ପ୍ରାୟ ୧୦୮ଟି ଜାଗାରେ ଚଢାଉ କରି ୨୨ଟି ମାମଲା ରୁଜୁ କରିଛି । ଗଞ୍ଜାମ ବ୍ୟତିତ କେନ୍ଦୁଝର, ଜଗତସିଂହପୁର,ଭଦ୍ରକ, ଦେବଗଡ, ନୟାଗଡ, କେନ୍ଦ୍ରାପଡା, ମୟୂରଭଞ୍ଜ ଓ ବାଲେଶ୍ୱର ପୋଲିସ ସନ୍ତୋଷଜନକ ଦାୟିତ୍ୱ ନିର୍ବାହ କରିଛନ୍ତି ଏହି ଚଢାଉ ବେଳେ ।
ଏହି ଚଢାଉ ବେଳେ ୫୫୦ଟି ଦୋକାନ ଓ କାରଖାନା ଉପରେ ଚଢେଉ କରାଯାଇଥିବା ୨୧୦ଟି ମାମଲା ରୁଜୁ କରାଯାଇଛି । ପ୍ରୋସେକ୍ୟୁସନ ରିପୋର୍ଟ ୯୯ଟି ପ୍ରସ୍ତୂତ ହୋଇଥିବା ବେଳେ ୬୪ଜଣଙ୍କୁ ଗିରଫ କରାଯାଇଥିଲା । ବିପୁଳ ପରିମାଣା ବାଣ ଜବତ କରାଯାଇ ତାକୁ ନଷ୍ଟ କରାଯାଇଥିବା ବେଳେ ବେନିୟମ ବାଣ କାରଖାନା ଓ ଦୋକାନ ଗୁଡ଼ିକୁୂ ସିଲ କରାଯାଇଥିବା ପୋଲିସ ମହାନିଦେ୍ର୍ଧଶାଳୟ ପକ୍ଷରୁ କୁହାଯାଇଛି ।
