ଜଗତସିଂହପୁର,ତା-୦୬.୦୪.୨୦୨୬/ସୁମନ୍ତକୁମାରଦାସ: ବାଲିକୁଦା ଥାନା କେସ୍ ନଂ ୧୩୮,ତାରିଖ ୦୫.୦୪.୨୦୨୬, ଧାରା ୧୦୩(୧)/୩(୫) BNS ଅନୁସାରେ ଏକ ହତ୍ୟା ମାମଲା ରୁଜୁ ହୋଇଛି। ଘଟଣାଟି ଜାନତାକୋଠି–ସୋଗାଲ କ୍ୟାନାଲ ରୋଡ୍ ପାଖରେ, ବାଲିକୁଡା ଥାନା ସୀମାଭିତ୍ତରେ ଘଟିଥିବା ଜଣାପଡ଼ିଛି।
ଅଭିଯୋଗକାରୀ ଓମ ପ୍ରକାଶ ସ୍ୱାଇଁ (ବୟସ ୧୭ ବର୍ଷ), ପିତା ବିଜୟ କୁମାର ସ୍ୱାଇଁ , ଗ୍ରାମ ତାଳକୁସୁମ (ବାଲିପଟଣା), ଜିଲ୍ଲା କଟକ, ୦୫.୦୪.୨୦୨୬ ତାରିଖ ସକାଳ ୦୮. ୫୭ ରେ ବାଲିକୁଦା ଥାନାରେ ଲିଖିତ ଅଭିଯୋଗ ଦେଇଥିଲେ। ଅଭିଯୋଗ ଅନୁସାରେ, ୦୪.୦୪.୨୦୨୬ ସନ୍ଧ୍ୟା ସମୟରେ ତାଙ୍କ ପିତା ବିଜୟ କୁମାର ସ୍ୱାଇନ (ବୟସ ପ୍ରାୟ ୪୨ ବର୍ଷ) ଗଣିଆ ଗ୍ରାମକୁ ରାମ ନବମୀ ଉତ୍ସବକୁ ଯାଇଥିଲେ। ସେ ସନ୍ଧ୍ୟାରେ ତାଙ୍କ ସହ ଫୋନ୍ରେ କଥା ହୋଇଥିଲା ଏବଂ ସେ ଘରକୁ ଫେରୁଥିବା କଥା କହିଥିଲେ।
କିନ୍ତୁ ରାତି ୧୦ଟା ପରେ ତାଙ୍କ ସହ ଯୋଗାଯୋଗ ସମ୍ଭବ ହୋଇନଥିଲା। ପରେ ରାତି ୧୧. ୩୦ ରୁ ୧୨ଟା ମଧ୍ୟରେ ଅଭିଯୋଗକାରୀ ଜନତାକୋଠି–ସୋଗାଲ କେନାଲ ରୋଡ୍ ପାଖରେ ତାଙ୍କ ପିତାଙ୍କ ମୃତଦେହ ରାସ୍ତା ପାଖରେ ପଡ଼ିଥିବା ଅବସ୍ଥାରେ ଦେଖିଥିଲେ। ଏହା ପରେ ସେ ସରପଞ୍ଚ ଓ ଗ୍ରାମବାସୀଙ୍କୁ ସୂଚନା ଦେଇଥିଲେ। ପୂର୍ବ ଶତ୍ରୁତାକୁ ନେଇ କାଳିଆ ଆଲୋକ କୁମାର ବିଶ୍ୱାଲ ଓ ତାଙ୍କ ସହଯୋଗୀମାନେ ଏହି ହତ୍ୟାରେ ଜଡିତ ଥିବା ସନ୍ଦେହ କରାଯାଇଛି। ଏହି ଅଭିଯୋଗ ଆଧାରରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
