ମହାତ୍ମା ଗାନ୍ଧୀ କହିଥିଲେ, "ଶକ୍ତି ଶାରୀରିକ କ୍ଷମତାରୁ ଆସିନଥାଏ, ଏହା ଏକ ଅଦମ୍ୟ ଇଚ୍ଛାଶକ୍ତିରୁ ଆସିଥାଏ"। ଓଡିଶାର ପୁରୀ ଜିଲ୍ଲାର ନିମାପଡା ବ୍ଲକର ଅମୁନିଆପାଟଣା ଗାଁର ଦିବ୍ୟାଙ୍ଗ ଯୁବତୀ ଅନିତା ସାହୁଙ୍କ ପାଇଁ, ଏହି ଉକ୍ତି ସମସ୍ତ ବାଧାବିଘ୍ନ ଓ ପ୍ରତିବନ୍ଧକକୁ ପଛରେ ପକାଇ ତାଙ୍କର ସଫଳତାର ଯାତ୍ରାର ଏକ ବାସ୍ତବ ପ୍ରତିଫଳନ।
ଗର୍ବର ସହିତ ନିଜ ସଫଳତାର ଯାତ୍ରା ବିଷୟରେ ଅନିତା କୁହନ୍ତି, "ମୁଁ ୮୦ ପ୍ରତିଶତ ଦିବ୍ୟାଙ୍ଗ। କିନ୍ତୁ ମୁଁ ସର୍ବଦା ପ୍ରଗତି ପଥରେ ଆଗକୁ ବଢ଼ିବା ଏବଂ ମୋର ସ୍ୱପ୍ନ ପୂରଣ କରିବା ପାଇଁ ମୋର ଶାରୀରିକ ପ୍ରତିବନ୍ଧକକୁ ଦୂର କରିବାକୁ ଚେଷ୍ଟା କରିଛି। ଯେତେବେଳେ ମୁଁ ଘରୁ ରୋଜଗାରର ବାଟ ଖୋଜୁଥିଲି, ସେତେବେଳେ 'ଜିଓ ଗ୍ରାହକ ସହଯୋଗୀ' ବା ଜିଓ କଷ୍ଟମର ଆସୋସିଏଟ ଭାବରେ ଘରୁ କାମ କରିବାର ସୁଯୋଗ ମୋ ପାଇଁ ଅତ୍ୟନ୍ତ ସହାୟକ ହୋଇଛି। ଏଥିରୁ ଆୟ ସହିତ, ମୁଁ ଏକ ମୋଟୋରାଇଜଡ୍ ହ୍ୱିଲଚେୟାର କିଣିବାପାଇଁ ମୋର ବହୁଦିନରୁ ରହିଥିବା ସ୍ୱପ୍ନ ପୂରଣ କରିପାରିଲି, ଯାହା ମୋତେ ପିଲାଟିଦିନରୁ ପ୍ରଥମ ଥର ପାଇଁ ବିନା କାହାର ସହାୟତାରେ ସ୍ୱାଧୀନ ଭାବରେ ଯିବା ଆସିବା କରିବାରେ ସକ୍ଷମ କରିଥିଲା।"
ଅନିତାଙ୍କ ଦୃଢ ମନୋବଳ ତଥା ବାସ୍ତବରେ ପ୍ରେରଣାଦାୟକ ଯାତ୍ରାର ସ୍ୱୀକୃତି ସ୍ୱରୂପ, ରିଲାଏନ୍ସ ଜିଓର ଓଡ଼ିଶା ବ୍ୟବସାୟ ମୁଖ୍ୟ ଗୌରବ କୁମାର ଏକ ଭିଡିଓ କଲ୍ ମାଧ୍ୟମରେ ତାଙ୍କ ସହିତ କଥା ହୋଇଥିଲେ ଏବଂ ସମସ୍ତ ପ୍ରତିବନ୍ଧକର ମୁକାବିଲା କରି ସଫଳ ହେବାର ତାଙ୍କର ଦୃଢ଼ ସଂକଳ୍ପକୁ ପ୍ରଶଂସା କରିଥିଲେ।
ଅନିତାଙ୍କ କାହାଣୀ ସାରା ଓଡ଼ିଶାର ହଜାର ହଜାର ଯୁବତୀ ଓ ମହିଳାମାନଙ୍କୁ ସେମାନଙ୍କ ଘରେ ରହି ନିଜ ସମୟ ସୁବିଧା ଅନୁସାରେ କାର୍ଯ୍ୟ କରିବା ତଥା ରୋଜଗାର ପଥ ଅନୁସରଣ କରିବାକୁ ପ୍ରେରିତ କରିଛି। ନିଜ ଅଭିଜ୍ଞତାକୁ ଆଧାର କରି ଅନିତା କୁହନ୍ତି, "ନିଜ ଉପରେ ଆତ୍ମବିଶ୍ୱାସ ଏବଂ 'ମୁଁ ଏହା କରିପାରିବି' ମାନସିକତା ସହିତ, ମହିଳାମାନେ ଘରୁ କିମ୍ବା ଯେକୌଣସି ସ୍ଥାନରୁ କାମ କରି ଭଲ ରୋଜଗାର କରିପାରିବେ ଏବଂ ସେମାନଙ୍କର ଲକ୍ଷ୍ୟ ହାସଲ କରିପାରିବେ। ବର୍ତ୍ତମାନ ଓଡ଼ିଶାରେ ୨୬୦୦ ରୁ ଅଧିକ ଯୁବତୀ ଏବଂ ମହିଳା ଜିଓ କଷ୍ଟମର ଆସୋସିଏଟ୍ ଭାବରେ କାମ କରୁଛନ୍ତି ଏବଂ ସେମାନଙ୍କ ସ୍ୱପ୍ନ ପୂରଣ କରୁଛନ୍ତି।"
ସେ ଆହୁରି ମଧ୍ୟ କହିଛନ୍ତି ଯେ ଜିଓ କଷ୍ଟମର ଆସୋସିଏଟ୍ କାର୍ଯ୍ୟକ୍ରମ ହଜାର ହଜାର ମହିଳାଙ୍କ ସଶକ୍ତିକରଣ ଓ ବିକାଶରେ ବାସ୍ତବରେ ସହାୟକ ହୋଇଛି ଏବଂ ଆଶା ପ୍ରକାଶ କରିଛନ୍ତି ଯେ ଜିଓ ମହିଳାମାନଙ୍କୁ ପ୍ରଗତି, ସମୃଦ୍ଧି ଏବଂ ସ୍ୱାଧୀନ ରହିବାରେ ସାହାଯ୍ୟ କରିବା ପାଇଁ ଆଗକୁ ଏହିଭଳି ଅନେକ ପଦକ୍ଷେପ ଆଣିବ।
ଉଲ୍ଲେଖଯୋଗ୍ୟ ଯେ ଜିଓ କଷ୍ଟମର ଆସୋସିଏଟ୍ (ଜେସିଏ) କାର୍ଯ୍ୟକ୍ରମ ଏକ ଆକାଂକ୍ଷୀ କାର୍ଯ୍ୟକ୍ରମ, ଯାହା ମହିଳାଙ୍କୁ ସ୍ୱାବଲମ୍ବୀ ହେବାରେ ସାହାଯ୍ୟ କରେ। ଏହା ମହିଳାମାନଙ୍କୁ ମୁକ୍ତବୃତ୍ତ ବା ଫ୍ରିଲାନ୍ସିଂ ଭିତ୍ତିରେ ନିୟୋଜିତ କରେ, ଯାହା ସେମାନଙ୍କୁ ଘରେ ବସି ସେମାନଙ୍କ ସୁବିଧା ଅନୁଯାୟୀ କାମ କରିବା ସହିତ ରୋଜଗାର କରିବାର ସୁଯୋଗ ଦିଏ। ଜେସିଏମାନଙ୍କର ପ୍ରମୁଖ ଭୂମିକା ହେଉଛି ଗ୍ରାହକମାନଙ୍କୁ ରିଚାର୍ଜ କରିବାରେ ସହାୟତା କରିବା, ଅନଲାଇନ୍ ପେମେଣ୍ଟ ବିକଳ୍ପଗୁଡ଼ିକ ସହିତ ପରିଚିତ କରାଇବା ଏବଂ ଜିଓଏୟାରଫାଇବର ବୁକିଂ ଭଳି କ୍ରୟ ନିଷ୍ପତ୍ତି ନେବାରେ ସମ୍ଭାବ୍ୟ ଗ୍ରାହକମାନଙ୍କୁ ସହାୟତା କରିବା। ଗ୍ରାହକ ପରିଚାଳନା ଶିଷ୍ଟାଚାର, ସେବା ଏବଂ ଉତ୍ପାଦକତା ଦକ୍ଷତା ଶିଖିବା ସହିତ ଡିଜିଟାଲ ଉପାୟରେ କାର୍ଯ୍ୟ କରିବା ଜେସିଏମାନଙ୍କୁ କେବଳ ଜୀବନରେ ଉନ୍ନତି କରିବା ପାଇଁ ନୁହେଁ ବରଂ ସମସ୍ତ ଭାରତୀୟଙ୍କ ପାଇଁ ଜିଓ ଡିଜିଟାଲ ଜୀବନର ମିଶନରେ ସାହାଯ୍ୟ କରିବା ପାଇଁ ସଜ୍ଜିତ କରିଛି। ନିରନ୍ତର ତାଲିମ, ଦକ୍ଷତା ବିକାଶ ଏବଂ ଡିଜିଟାଲ ଉପକରଣ ସହିତ, ଜେସିଏମାନେ ସମସ୍ତ ସମ୍ଭାବ୍ୟ ଉପାୟରେ ଗ୍ରାହକମାନଙ୍କୁ ସହାୟତା କରିବାକୁ ପ୍ରସ୍ତୁତ।
ଏହା ସହିତ, ବିଶେଷକରି ଉପାନ୍ତ ଅଞ୍ଚଳରେ ବସବାସ କରୁଥିବା ଲକ୍ଷ ଲକ୍ଷ ଜିଓ ଉପଭୋକ୍ତାଙ୍କ ପାଇଁ, ଜିଓ ଗ୍ରାହକ ସହଯୋଗୀ ବା ଜିଓ କଷ୍ଟମର ଆସୋସିଏଟ କାର୍ଯ୍ୟକ୍ରମ ପ୍ରକୃତରେ ଏକ ବରଦାନ ସ୍ୱରୂପ ହୋଇଛି କାରଣ ସେମାନେ ଏବେ ଭାଷାର ପ୍ରତିବନ୍ଧକକୁ ଅତିକ୍ରମ କରି ସେମାନଙ୍କ ସ୍ଥାନୀୟ ଆଞ୍ଚଳିକ ଭାଷା ଏବଂ ଉପଭାଷାରେ କଥାବାର୍ତ୍ତା କରି ବିଭିନ୍ନ ଉତ୍ପାଦ ଏବଂ ସେବାଗୁଡ଼ିକୁ ନେବାବେଳେ ଭଲ ଭାବରେ ବୁଝିବାରେ ସାହାଯ୍ୟ କରୁଛନ୍ତି।
