ଅବକାରୀ ବିଭାଗର ପ୍ରସ୍ତାବକୁ ଖାରଜ କଲା ଆଇନ ବିଭାଗ
ଭୁବନେଶ୍ୱର (ଶାସକ ପ୍ରଶାସକ) ସବୁଜ ସଂକେତ ପାଇଁ ଆପାତତଃ ଅବକାରୀ ବିଭାଗ ଅଂଟା ଭିଡ଼ିଥିଲା ଗଂଜେଇ ଚାଷ ପାଇଁ ଅନୁମତି ଦେବାକୁ | ଆଉ ଆଜି ଡାକିଥିଲା ବୈଠକ | ହେଲେ ଦୁଇଦିନ ଧରି ଯେଉଁଭଳି ଭାବେ ସରକାରଙ୍କୁ ସମାଲୋଚନା ସୋସିଆଲ ମିଡିଆରେ ଓ ବିଭିନ୍ନ ଗଣମାଧ୍ୟମରେ ହେଲା, ସରକାର କୌଣସି ଅସ୍ୱାଭାବିକ ପରିସ୍ଥିତି ଏଡେ଼ଇବା ପାଇଁ ଏହି ପ୍ରସ୍ତାବକୁ ଆଇନ ବିଭାଗ ମୁହଁରେ ଖାରଜ କରାଇଛନ୍ତି | ଆଉ ଆଜି ଅନୁଷ୍ଠିତ ପୂର୍ବ ଧାର୍ଯ୍ୟ ବୈଠକ ସାରିବା ପରେ ଏ ବିଷୟରେ ସୂଚନା ଦେଇଛନ୍ତି ଅବକାରୀ ସଚିବ ସୁଶୀଲ କୁମାର ଲୋହାନୀ |
ସୂଚନାଯୋଗ୍ୟ ଯେ ଗଂଜେଇରେ ଔଷଧୀୟ ଗୁଣ ଥିବା ଦର୍ଶାଇ ଗଂଜେଇ ଚାଷ ପାଇଁ ବି ଅନୁମତି ଦେବା ପ୍ରସଙ୍ଗରେ ବୈଠକ ଡାକିଥିଲା ଅବକାରୀ ବିଭାଗ | ଏହି ମର୍ମରେ ଅବକାରୀ ବିଭାଗ ଯୁଗ୍ମ ସଚିବ ଏସ ବି କେ ପ୍ରଧାନ ଅବକାରୀ କମିଶନରଙ୍କୁ ବିଭାଗୀୟ ପତ୍ର ସଂଖ୍ୟା ୫୭୮୬/ ୮-୧୧-୧୯ ମାଧ୍ୟମରେ ଅବଗତ କରାଇବା ସହ ବୈଠକରେ ଉପସ୍ଥିତ ରହିବାକୁ ଉଲ୍ଲେଖ କରିଥିଲେ | ଶେଷକୁ ଆଜିର ବୈଠକରେ ଅବକାରୀ ବିଭାଗର ଏପରି ପ୍ରସ୍ତାବ ଉପରେ ପାଣି ପୁରାଇ ଦେଇଛି ଆଇନ ବିଭାଗ |