ପାଟଣାଗଡ଼/ସଚିନ ସାହୁ :ବର୍ଷାରେ ଗରିବ ସୁନାଧର ବାଗ ଙ୍କର ଘର ଭାଙ୍ଗିଯାଇଛି ଓ ସେଥିରୁ ସେ ଅଳ୍ପକେ ବଞ୍ଚିଯାଇଛନ୍ତି । ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ ବାଙ୍କିବାହାଲ ଗ୍ରାମର ସୁନାଧର ବାଗ ବହୁ କଷ୍ଟରେ ଧାର କରଜ କରି କୁଲିବୃତି କରି ଘରଟିଏ ତିଆରି କରିଥିଲେ ।ବର୍ଷା ହେବାରୁ ଉକ୍ତ ଘରଟି ଭୁଷୁଡି ପଡିଛି । ତାଙ୍କର ଇନ୍ଦିରା ଆବାସଟିଏ କି ପ୍ରଧାନମନ୍ତ୍ରୀ ଆବାସ ଘରଟିଏ ନାହିଁ। ଏବେ ଘରଟି ଭାଙ୍ଗି ଯାଇଥିବାରୁ ମରାମତି ପାଇଁ ମଧ୍ଯ ସେମାନଙ୍କ ନିକଟରେ ପଇସା ନାହିଁ । ଏନେଇ ସେ ବହୁ ବାର ପ୍ରଶାସନ ପାଖରେ ଗୁହାରି କରି ନିରାଶ ହୋଇଛନ୍ତି।ବହୁବାର ଜଣାଇଲେ ମଧ୍ଯ ତାଙ୍କ କଥା କେହି ଶୁଣୁନାହାନ୍ତି । ଏହି ଅସହାୟ ସୁନାଧର ବାଗ ଙ୍କୁ ଘର ଭଙ୍ଗା ସକାଶେ ସରକାରଙ୍କ ନିୟମ ଅନୁଯାୟୀ ସରକାରୀ ସହାୟତା ଓ ପ୍ରଧାନମନ୍ତ୍ରୀ ଆବାସ ଟିଏ ଯୋଗାଇଦେବା ପାଇଁ ଗ୍ରାମବାସୀ ଜିଲ୍ଲାପାଳଙ୍କ ନିକଟରେ ଦାବି କରିଛନ୍ତିି ।
ରାଜ୍ୟ
ଦୁର୍ଦ୍ଦିନରେ ବିତୁଛି ଅସହାୟ ସୁନାଧରଙ୍କ ଜୀବନ : କାନ ଡେରି ଶୁଣିବ କି ପ୍ରଶାସନ
- Hits: 420