ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ସ୍ଥାନୀୟ ଭକ୍ତି ସଙ୍ଗୀତ ସଂସଦ ଠାରେ ଭାଗିରଥି ପାଢ଼ୀ ସ୍ମୃତି କଳା ପରିଷଦ ଆନୁକୂଲ୍ୟରେ ଓଡ଼ିଆ ସାମୟିକ ପତ୍ରିକା "ଶୁଭ ସକାଳ" ଉନ୍ମୋଚିତ ହୋଇ ଯାଇଛି ।
ଭକ୍ତି ସଙ୍ଗୀତ ସଂସଦ ପରିସରରେ ଅନୁଷ୍ଠିତ ଏହି ଉନ୍ମୋଚନ କାର୍ଯ୍ୟକ୍ରମରେ ସମାଜସେବୀ ତଥା ବରିଷ୍ଠ ସାମ୍ବାଦିକ ଭାଗବତ ପାଢ଼ୀଙ୍କ ସଭାପତିତ୍ୱରେ ବିଶିଷ୍ଠ ଲେଖିକା ଅଶାଲତା ପାଣିଗ୍ରାହୀ ଏବଂ ଶିକ୍ଷାବିତ ବିଚିତ୍ରା ନନ୍ଦ ବେବର୍ତ୍ତା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ମୁଖ୍ୟତଃ ପାରଳାଖେମୁଣ୍ଡି ଭଳି ଦ୍ଵି-ଭାଷାଭାଷୀ ଅଞ୍ଚଳରେ ଓଡ଼ିଆ ସାହିତ୍ୟର ଉନ୍ନତି ଦିଗରେ ପ୍ରୋତ୍ସାହନ ଦେବାପାଇଁ ଏଭଳି ପ୍ରୟାସ ଅତ୍ୟନ୍ତ ପ୍ରଶଂସନୀୟ ବୋଲି କହିଥିଲେ ।
ଏହି କାର୍ଯ୍ୟକ୍ରମରେ " ଶୁଭ ସକାଳ" ପତ୍ରିକାର ସମ୍ପାଦକ ବାବାଜୀ ଚରଣ ବେହେରା ,ସହ-ସମ୍ପାଦକ ରାଜେନ୍ଦ୍ର ରଥ , କୋଷାଧ୍ୟକ୍ଷ ଆଶିଷ କୁମାର ରାଜୁ ଓ ଭକ୍ତି ସଙ୍ଗୀତ ସଂସଦର ସମ୍ପାଦକ ପୂର୍ଣ୍ଣଚନ୍ଦ୍ର ରଥଙ୍କ ସମେତ ଡାକ୍ତର ମୁର୍ମୁ , ବବିତା ପୁରୋହିତ , ରାମଚନ୍ଦ୍ର ମିଶ୍ର , ସ୍ନିଗ୍ଧା ମିଶ୍ର , ଇତିଶ୍ରୀ ମହାପାତ୍ର, ନିତ୍ୟାନନ୍ଦ ଚୌଧୁରୀ , ଶଶୀ ଭୂଷଣ ପଟ୍ଟନାୟକ, ସଚ୍ଚିଦା ନନ୍ଦ ସାମଲ ପ୍ରମୁଖଙ୍କ ସମେତ ପାରଳାଖେମୁଣ୍ଡି ସହରର ବହୁ ସଂଖ୍ୟାରେ ଲେଖକ-ଲେଖିକା ମାନେ ଯୋଗ ଦେଇଥିଲେ ।ଶେଷରେ ତ୍ରିପତି ପ୍ରସାଦ ପଣ୍ଡା ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
