ପାରଳାଖେମୁଣ୍ଡି/ ବାଳକୃଷ୍ଣ ପାଣିଗ୍ରାହୀ : ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ରକ୍ତଦାନ କେନ୍ଦ୍ର ଠାରେ ଗଜପତି ରକ୍ତଦାତା ସଂଗଠନ ତରଫରୁ ଏକ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସଂଗଠନର ମୁଖ୍ୟ ନବୀନ କୁମାର ଓ ସଦସ୍ୟମାନଙ୍କ ଦ୍ୱାରା ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୁପେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା ଓ ସମ୍ମାନନୀୟ ଅତିଥି ଭାବେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡ.ଗୁନୁରାଣୀ ପଟ୍ଟନାୟକ ଓ ବ୍ଲଡ ବ୍ୟାଙ୍କ ଇନ୍‍ଚାର୍ଜ ଡ.ରାଜଲକ୍ଷ୍ମୀ ଯୋଗଦେଇଥିଲେ । ଏସପି ସାରା ଶର୍ମା କାର୍ଯ୍ୟକ୍ରମ ଉଦ୍‍ଘାଟନ କରିଥିବା ବେଳେ ରକ୍ତଦାନ କେନ୍ଦ୍ରର କର୍ମୀ ମାନେ ପରିଚାଳନା କରିଥିଲେ । ଏହି ରକ୍ତଦାନ ଶିବିରରେ ମୁଖ୍ୟତଃ ୧୨ନମ୍ୱର ୱାର୍ଡର ରକ୍ତଦାତା ମାନେ ଭାଗ ନେଇଥିଲେ । ୫୦ୟୁନିଟ ରକ୍ତ ସଂଗ୍ରହ ହୋଇଥିଲା । ଗରିବ ଓ ଆବଶ୍ୟକିୟ ଅଭାବିଙ୍କ ରକ୍ତର ଆବଶ୍ୟକତା ପୁରଣ ପାଇଁ ଆଗାମୀ ଦିନରେ ସହରର ପ୍ରତ୍ୟେକ ୱାର୍ଡରୁ ଏପରି ରକ୍ତ ସଂଗ୍ରହ କରାଯିବ ବୋଲି ସଂଗଠନର ମୁଖ୍ୟ ନବୀନ କୁମାର କହିଥିଲେ । ଅନ୍ୟ ମାନଙ୍କ ମଧ୍ୟରେ ସଦସ୍ୟ ମୋହନି ପ୍ରଧାନ, ଏସ ରୁଷି, ମମତା ପାଢୀ , କୈଳାସ ଚନ୍ଦ୍ର ବିଶ୍ୱାଳ, ରଇତ କୁମାର ପଲେଇ, ଓ ପିନିଣ୍ଟି କ୍ରାନ୍ତି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।