ବାଣପୁର:(ସେକ କୌସର) ମଙ୍ଗଳବାର ବାଣପୁରରେ ଦୀର୍ଘ ୪୦ବର୍ଷ ଧରି ନିରବଛିନ୍ନ ଭାବରେ ସମ୍ବାଦ ଦୈନିକ ଖବରକାଗଜ ବଣ୍ଟନ କରୁଥିବା ମଦନ ମୋହନ ସୁବୁଦ୍ଧିଙ୍କ ହୃଦଘାତରେ ଅକାଳ ବିୟୋଗ ଘଟିଯାଇଛି l ଆଜି ପ୍ରତ୍ୟୁଷରୁ ଖବର କାଗଜ ବଣ୍ଟନ କରୁଥିବା ବେଳେ ଅସୁସ୍ଥ ଅନୁଭବ କରିବାରୁ ତାଙ୍କୁ ସଂଗେ ସଂଗେ ବାଣପୁର ଗୋଷ୍ଠୀ ସ୍ଵାସ୍ତ୍ୟକେନ୍ଦ୍ରକୁ ନିଆଯାଇଥିଲା l ଡାକ୍ତରଙ୍କ ସବୁ ପ୍ରକାର ଚେଷ୍ଟା ସତ୍ୱେ ହୃଦଘାତରେ ସେହି ଡାକ୍ତରଖାନାରେ ତାଙ୍କର ପ୍ରାଣବାୟୁ ଚାଲିଯାଇଥିଲା l ମଦନ ଦୀର୍ଘଦିନ ଧରି ଖରାବର୍ଷାକୁ ଖାତିର ନ କରି ଖବରକାଗଜ ଘରେ ଘରେ ସଠିକ ସମୟରେ ପହଞ୍ଚାଉ ଥିବାରୁ ଅଂଚଳରେ ସେ ଅଧିକ ପରିଚିତ ଥିଲେ l ସେ ଜଣେ ମିଷ୍ଠଭାଷୀ ହୋଇଥିବାରୁ ସମସ୍ତ ଖବରକାଗଜ ଗ୍ରାହକ ସକାଳ ହେଲେ ତାଙ୍କୁ ଖୋଜୁଥିଲେ l ତାଙ୍କର ମୃତ୍ୟୁ ଖବର ଶୁଣି ବହୁ ସାମ୍ବାଦିକ ଗ୍ରାହକ ତାଙ୍କର ଶେଷ ଦର୍ଶନ କରିଥିବା ବେଳେ ବାଣପୁରରେ ଶୋକର ଛାୟା ଖେଳିଯାଇଛି l ମୃତ୍ୟୁ ବେଳକୁ ତାଙ୍କର ଏକ ମାତ୍ର ପୁଅସହ ସମ୍ବାଦ ପ୍ରତିନିଧି ଅରୁଣ ପଣ୍ଡା ଡାକ୍ତରଖାନାରେ ଉପସ୍ଥିତ ଥିଲେ l ଅନ୍ତେଷ୍ଟିକ୍ରିୟା ପାଇଁ ପରିବାର ଲୋକ ପୁରୀ ସ୍ୱର୍ଗଦ୍ୱାରରେ ତାଙ୍କର ଦାହ କରିଛନ୍ତି l ଭଗବାନ ତାଙ୍କର ପରିବାରକୁ ଧର୍ଯ୍ୟ ଓ ସାହସ ପ୍ରଦାନ କରିବାକୁ ସମ୍ବାଦ ପରିବାର ତରଫରୁ ପ୍ରାର୍ଥନା କରୁଛୁ l