ବେଲଗୁଣ୍ଠା-(ଶିବରାମ ଚୌଧୁରୀ )-ଗଞ୍ଜାମ ଜିଲ୍ଲାର ଅଗ୍ରଣୀ ସାମ୍ବାଦିକ ସଂଘ ତଥା ପ୍ରେସ୍ କ୍ଳବ,ବେଲଗୁଣ୍ଠାର ଏକ ବନ୍ଧୁ ମିଳନ କାର୍ଯ୍ୟକ୍ରମ ଓ ସାଙ୍ଗଠନିକ ବୖଠକ ବେଲଗୁଣ୍ଠା ଉପକଣ୍ଠ କିରାପଲ୍ଲୀସ୍ଥିତ ମାଁ କୁମାର ଶୁଣୀ ପୀଠରେ ଅନୁଷ୍ଠିତ ହୋଇଯାଇଅଛି । ସଭାପତି ପ୍ରଦ୍ୟୁମ୍ନ ପାତ୍ରଙ୍କ ସଭାପତିତ୍ବରେ ହୋଇଥିବା କାର୍ଯ୍ୟକ୍ରମରେ କ୍ଳବର ଆଇନ ପରାମର୍ଶଦାତା ତଥା ହାଇକୋର୍ଟ ଆଇନଜୀବୀ ଓଁ ପ୍ରକାଶ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଆଗାମୀ କାର୍ଯ୍ୟପନ୍ଥା ପାଇଁ ମାର୍ଗଦର୍ଶନ କରାଇ ନିଜ ବକ୍ତବ୍ୟ ରଖିଥିଲେ । ସାଙ୍ଗଠନିକ ଏକତା,ଖବର ପରିବେଷଣ, ସମାଜସେବା,ବୃକ୍ଷ ରୋପଣ,ରକ୍ତ ଦାନ ଶିବିର ଆଦି କାର୍ଯ୍ୟକ୍ରମକୁ ସମସ୍ତେ ଏକଜୁଟ ହୋଇ ଆଗେଇ ନେବା ପାଇଁ ସଭାପତି ଶ୍ରୀ ପାତ୍ର ପରାମର୍ଶ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଉପସଭାପତି ପ୍ରଭାତ କୁମାର ସାହୁ, ସମ୍ପାଦକ ଅଶ୍ୱିନୀ କୁମାର ମହାନ୍ତି, ସହ-ସମ୍ପାଦକ ସରୋଜ ଶତପଥୀ, କୋଷାଧ୍ୟକ୍ଷ ବିଭୁପାଦ ଜେନା,ବରିଷ୍ଠ ସଦସ୍ୟ ସନ୍ତୋଷ କୁମାର ବିଷୋୟୀ, ସୁର୍ଯ୍ୟ ନାରାୟଣ ତ୍ରୀପାଠୀ,ସୁଶାନ୍ତ କୁମାର ବେହରା,ମାଧବ ଚନ୍ଦ୍ର ଆପଟ,ସୁରେଶ ସୁବୁଦ୍ଧି, ପଞ୍ଚାନନ ସାହୁ,ତୋଫାନ ସାହୁ, ଶିବରାମ ଚୌଧୁରୀ, ପ୍ରଦୀପ କୁମାର ଚୌଧୁରୀ, ବିନ୍ଦୁପ୍ରିୟା ଦାସ ଓ ବର୍ଷାରାଣୀ ସ୍ୱାଇଁ ପ୍ରମୁଖ ଯୋଗ ଦେଇଥିଲେ ।