ଓଡଗାଁ(ଶ୍ରୀକାନ୍ତ ମିଶ୍ର) : ମାନବୀୟ ମୂଲ୍ୟବୋଧକୁ ସମ୍ମାନ ଜଣାଇ ‘ସଂସ୍କାର ଚାରିଟେବୁଲ ଟ୍ରଷ୍ଟ’ ପ୍ରତିଭା ସମ୍ମାନ ୨୦୧୯ ସ୍ଥାନୀୟ ଇଣ୍ଡୋର ଷ୍ଟାଡିୟରେ ରବିବାର ଦିନ ଅନୁଷ୍ଠିତ ହୋଇଯାଇଛି । ଶ୍ରୀଯୁକ୍ତ ସନ୍ତୋଷ କୁମାର ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ଆଜିର ୭ମ ବାର୍ଷିକ ସମାରୋହରେ କବି ଶ୍ରୀଯୁକ୍ତ ଲୋକନାଥ ମିଶ୍ରଙ୍କ ମୁଖ୍ୟ ବକ୍ତା, ଶ୍ରୀଯୁକ୍ତ ହରିହର ପରିଡା ମୁଖ୍ୟବକ୍ତା ଭାବରେ ଯୋଗଦେଇଥିବା ବେଳେ ରାୟଗଡା ଜିଲ୍ଲାର ସମାଜ ସେବୀ ଶ୍ରୀଯୁକ୍ତ ଦୁର୍ଗାପ୍ରସାଦ ଦାସ, ରାଜକୁମାର ଅଗ୍ରୱାଲ , ରୁଦ୍ର ପ୍ରସନ୍ନ ରଥ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଅନୁଷ୍ଠାନ ଦ୍ୱାରା ଆୟୋଜିତ ବିଭିନ୍ନ ୧୮ ଗୋଟି ବିଭାଗର ୧୬୦ ଜଣ କୃତି ପ୍ରତିଯୋଗୀ ମାନଙ୍କୁ ଏହି କାର୍ଯ୍ୟକ୍ରମ ମାଧ୍ୟମରେ ସମ୍ବର୍ଦ୍ଧିତ କରାଯାଇଥିଲା । ଓଡଗାଁର ଅଗ୍ରଣୀ ନୃତ୍ୟାନୁଷ୍ଠାନ ରଘୁନାଥ ନୃତ୍ୟାୟନକୁ ‘ନୃତ୍ୟଶ୍ରୀ’ ସମ୍ମାନରେ ସମ୍ମାନୀତ କରାଯାଇଥିବା ବେଳେ ଶ୍ରୀଯୁକ୍ତ ବଂଶୀଧର ମିଶ୍ର, ଖଗେଶ୍ୱର ହୋତା, ହରିଶ୍ ପ୍ରଧାନଙ୍କୁ ‘ସଂସ୍କାର କବି ଶିରୋମଣି’ ସମ୍ମାନରେ ସମ୍ମାନୀତ କରାଯାଇଥିଲା । ସେହିପରି ବିଭିନ୍ନ କ୍ଷେତ୍ରରେ ଗୈାରବ ଲାଭ କରିଥିବା ଅନ୍ୟାନ୍ୟ ୧୪ ଜଣ ବ୍ୟକ୍ତିତ୍ୱଙ୍କୁ ମଧ୍ୟ ଆଜିର କାର୍ଯ୍ୟକ୍ରମ ମାଧଯୟମରେ ସମ୍ମାନୀତ କରାଯାଇଥିଲା । ଶ୍ରୀଯୁକ୍ତ ସତ୍ୟବାଦି ସ୍ୱାଇଁ, ସିଗ୍ଧା ପଟ୍ଟନାୟକ, ଭାବଗ୍ରାହୀ ମହାପାତ୍ର ଓ କୈଳାଶ ବେହେରା ପ୍ରମୁଖ ମଂଚ ପରିଚାଳନାରେ ସହ ଯୋଗ କରିଥିଲେ ।
