ରାୟଗଡା (ସରୋଜ କୁମାର ସାହୁ) – ଜେକେ କାଗଜ କଳକୁ ଆଉ ଏକ ବଡ ସଫଳତା ମିଳିଛି । ୨୦୧୭-୧୮ ବର୍ଷ ପାଇଁ ଜେକେ କାଗଜ କଳକୁ ଏହି ଆଇପିଏମଏ ଆବାର୍ଡ ମିଳିଛି । ଆଇପିଏମଏ ତରଫରୁ ଆୟୋଜିତ ୧୯ତମ ଅଧିବେଶନ ଉତ୍ସବରେ ମାନ୍ୟବର କେନ୍ଦ୍ରୟ ବାଣିଜ୍ୟ ମନ୍ତ୍ରୀ ସୁରେଶ ପ୍ରଭୁ ମୁଖ୍ୟ ଅତିଥି ଭାବେ ଏହି କାର୍ଯ୍ୟକ୍ରମରେ ଯୋଗଦେଇ ଜେକେ କାଗଜ କଳକୁ ଏହି ସମ୍ମାନ ପ୍ରଦାନ କରିଛନ୍ତି । ରାୟଗଡା ଜିଲ୍ଲା ସ୍ଥିତ ଜେକେ କାଗଜ କଳର କାର୍ଯ୍ୟନିର୍ବାହୀ ଉପ-ସଭାପତି ପବନ କୁମାର ସୁରୀ ମୁଖ୍ୟ ଅତିଥି ଶ୍ରୀ ପ୍ରଭୁଙ୍କ ଠାରୁ ପୁରସ୍କାର ଗ୍ରହଣ କରିଥିଲେ । ଆୟୋଜିତ ପୁରସ୍କାର ଉତ୍ସବ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜେକେ ଗ୍ରୁପର ହର୍ଷପତଜୀ ସିଂଘାନିଆ (ଏମଡି ଏବଂ ଭିସି), ଏ.ଏସ.ମେହେଟା ( ଅଧ୍ୟକ୍ଷ ତଥା ନିର୍ଦେଶକ) ଙ୍କ ସହ ଜେକେ ଗ୍ରୁଫ ର ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ । ଜେକେ କାଗଜ କଳରେ କାମ କରୁଥିବା କର୍ମଚାରୀ ମାନଙ୍କ ଉତମ ନିଷ୍ଠା ଏବଂ କାର୍ଯ୍ୟଦକ୍ଷତା ଯୋଗୁଁ ଜେକେ କାଗଜ କଳକୁ ଏପରି ଏକ ସମ୍ମାନ ମିଳିଛି ତେଣୁ ଶ୍ରୀ ସୁରୀ ସମସ୍ତ କର୍ମଚାରୀ ମାନଙ୍କୁ ଶୁଭେଛା ଜ୍ଞାପନ କରିଥିଲେ । ଜେକେ କାଗଜ କଳକୁ ଏପରି ଏକ ସମ୍ମାନସ୍ପଦ ପୁରସ୍କାର ମିଳିଥିବା ଯୋଗୁଁ କର୍ମଚାରୀ ମହଲରେ ଆନନ୍ଦର ଲହରୀ ଖେଳିଯାଇଛି ।
