ବଲାଙ୍ଗୀର, ଘନଶ୍ୟାମ ନାଗ (ବିଶେଷ ପ୍ରତିନିଧି):-ଆଜି ଟିଟିଲାଗଡ଼ରେ ଭାରତୀୟ ସାମ୍ବାଦିକ ସଂଘ ଅନୁବନ୍ଧିତ ଓଡ଼ିଶା କର୍ମଜୀବୀ ସାମ୍ବାଦିକ ସଂଘ, ବଲାଙ୍ଗୀର ଶାଖାର ପକ୍ଷରୁ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ପାଳନ କରାଯାଇଥିଲା। ସାଂସ୍କୃତିକ ଗର୍ବ ଓ ନୈତିକ ଭାବନାର ସୁନ୍ଦର ସମ୍ମିଳନରେ ଆୟୋଜିତ ଏହି ସଭାରେ ଅନେକ ସଦସ୍ୟଙ୍କ ସକ୍ରିୟ ସହଭାଗିତା ଥିଲା।
ସଭାର ଅଧ୍ୟକ୍ଷତା ସଭାପତି ଶ୍ରୀ ଜନାବ ଖାଁ କରିଥିଲେ। ଉପ-ସଭାପତି ଶ୍ରୀ ଧର୍ମେନ୍ଦ୍ର ନାଗ, କୋଷାଧ୍ୟକ୍ଷ ଶ୍ରୀ ଘନଶ୍ୟାମ ନାଗ, ସକ୍ରିୟ ସଦସ୍ୟ ଯୋସେଫ କୁମାର ସହିତ ଅନ୍ୟାନ୍ୟ ମାନ୍ୟବର ସଦସ୍ୟମାନେ ମଧ୍ୟ ଉପସ୍ଥିତ ଥିଲେ। ସଭାରେ ଗାନ୍ଧୀଜୀଙ୍କ ଜୀବନ, ଧର୍ମ, ଅହିଂସା, ସତ୍ୟ ଓ ସେବାର ମୂଲ୍ୟ ଉପରେ ଗଭୀର ଭାଷଣ ହୋଇଥିଲା। ସଭାପତି ଜନାବ ଖାଁ କହିଥିଲେ, “ଗାନ୍ଧୀଜୀଙ୍କ ଆଦର୍ଶ ଆମ ସମାଜର ମୂଳ ପଥପ୍ରଦର୍ଶକ। ଉପ-ସଭାପତି ଧର୍ମେନ୍ଦ୍ର ନାଗ ମଧ୍ୟ ଗାନ୍ଧୀଜୀଙ୍କ ମାହାତ୍ମ୍ୟ ଉପରେ ମତାମତ ରଖିଥିଲେ।
ସଭାର ମୁଖ୍ୟ ଉଦ୍ଦେଶ୍ୟ ଥିଲା ଶାସ୍ତ୍ରୀ ଓ ଗାନ୍ଧୀଙ୍କ ନୀତି, ଆଦର୍ଶଗୁଡ଼ିକୁ ନୂଆ ପିଢ଼ୀ ପର୍ଯ୍ୟନ୍ତ ପହଞ୍ଚାଇବା ଓ ସମାଜରେ ସଚେତନତା ବୃଦ୍ଧି କରିବା। ସଭା ଶେଷରେ ସଦସ୍ୟମାନେ ସଂଯୁକ୍ତ ଭାବେ ସାମାଜିକ ସେବାକାର୍ଯ୍ୟ ଓ କାର୍ଯ୍ୟଯୋଜନା ଆରମ୍ଭ କରିବା ପାଇଁ ପ୍ରତିଜ୍ଞା କଲେ। ଏହି ଉତ୍ସବରେ ସ୍ଥାନୀୟ ଲୋକମାନଙ୍କର ବିଶେଷ ସହଭାଗିତା ଦେଖିବାକୁ ମିଳିଥିଲା।