ବାରିପଦା(ଅରବିନ୍ଦ ଦାସ ) ବାରିପଦା ମଧୁବନ ନିକଟରେ ଥିବା ସାତଭଉଣୀ ବନ୍ଦିର ନିକଟରୁ ଏକ ନିରାଶ୍ରୟ ବୃଦ୍ଧାଙ୍କୁ ଉଦ୍ଧାର କରାଯାଇଛି । ବୃଦ୍ଧା ଜଣଙ୍କ ହେଉଛନ୍ତି ଶକୁନ୍ତଳା ରାୟ (୫୦) । ସୂଚନା ଅନୁସାରେ,ବାରିପଦା ମଧୁବନ ଅଂଚଳର କିଛି ଯୁବକ ଟିକିନା ଦାସ,ଖକନ ଦାସ ପ୍ରମୁଖଙ୍କ ସହ ଅନ୍ୟ ଯୁବକମାନେ ଉକ୍ତ ନିରାଶ୍ରୟ ବୃଦ୍ଧାଙ୍କୁ ସାତଭଉଣୀ ମନ୍ଦିର ନିକଟରେ ପଡ଼ିରହିଥିବାର ଦେଖିବାକୁ ପାଇଥିଲେ । ଏନେଇ ଉକ୍ତ ଯୁବକମାନେ ବାରିପଦା ପୌରପରିଷଦର ଉପନଗରପାଳ ଜିତେନ୍ଦ୍ର ମହାନ୍ତିଙ୍କୁ ଖବର ଦେଇଥିଲେ । ଖବର ପାଇ ଶ୍ରୀ ମହାନ୍ତି ଉକ୍ତ ବୃଦ୍ଧାଙ୍କୁ ସେଠାରୁ ଉଦ୍ଧାର କରି ବୃଦ୍ଧାଶ୍ରମରେ ଥଇଥାନ କରିଥିଲେ ।
