ପଦ୍ମପୁର/ନିଳ ଦୀପ-ପଦ୍ମପୁର ଉପଖଣ୍ଡସ୍ଥ ପାଇକମାଲ ବ୍ଲକ ଅନ୍ତର୍ଗତ ପଲସଦା ଗ୍ରାମପଂଚାୟତରେ  ଓଡିଶା ସରକାରଙ୍କ  ଆମ ଗାଁ ଆମ ବିକାଶ କାର୍ଯ୍ୟକ୍ରମର ଅଂଶବିଶେଷ ପିଠା କାର୍ଯ୍ୟକ୍ରମ ଅନୁଷ୍ଠିତ  ହୋଇଯାଇଛି  । ଏହି କାର୍ଯ୍ୟକ୍ରମରେ ପାଇକମାଲ ବ୍ଲକ ଅଧ୍ୟକ୍ଷ ଅଲତାଫ ମହମ୍ମଦ ମୁଖ୍ୟଅତିଥି ଭାବରେ ଏବଂ ପଲସଦା ଗ୍ରାମପଂଚାୟତର ସରପଂଚ ଶ୍ରୀମତୀ ଅଂଜନା ବାଗ,ସମିତିସଭ୍ୟା ଶ୍ରୀମତୀ ଜ୍ୟୋତ୍ସ୍ନାରାଣୀ ଲୁହାର ଓ ପାଇକମାଲ ବ୍ଲକର ଅତିରିକ୍ତ ବିଡିଓ ଶ୍ରୀ ପ୍ରଦୀପ କୁମାର ଭୋଇ ସମ୍ମାନୀତ ଅତିଥି ଭାବରେ ଯୋଗଦାନ କରିଥିଲେ  ।ଏହି ପିଠା କାର୍ଯ୍ୟକ୍ରମ ମାଧ୍ୟମରେ ଲୋକମାନେ ପଂଚାୟତ ସ୍ତରରେ ସିଧାସଲଖ ଭାବରେ ସରକାରଙ୍କ  ଜନହିତକାରୀ  ଯୋଜନା ବିଷୟରେ  ଜାଣପାରିବେ ଓ ଏହାର ସୁଫଲ ପାଇପାରିବେ ବୋଲି ବ୍ଲକ ଅଧ୍ୟକ୍ଷ ଅଲତାଫ ମହମ୍ମଦ ପ୍ରକାଶ କରିଥିଲେ  । ଏହି କାର୍ଯ୍ୟକ୍ରମରେ ପଲସଦା ଗ୍ରାମପଂଚାୟତର ୧୯ଖଣ୍ଡ ଗ୍ରାମର ସ୍ୱୟଂସହାୟକ ଗୋଷ୍ଠୀ ମାନେ ବିଭିନ୍ନ ପ୍ରକାରର ପିଠା ଆଣି କାର୍ଯ୍ୟକ୍ରମର ମାନ ବୃଦ୍ଧି କରିଥିଲେ ଓ ପଂଚାୟତର ଶତାଧିକ ଜନସାଧାରଣଙ୍କ ସମାଗମ ଦେଖିବାକୁ ମିଲିଥିଲା  ।