ବେଲଗୁଣ୍ଠା, -(ଶିବରାମ ଚୌଧୁରୀ )-,ବେଲଗୁଣ୍ଠା ବ୍ଳକ୍ ବଡ଼ବୋର୍ସିଂ ଗ୍ରାମରେ 108 ପ୍ରହର ପଞ୍ଚହାଯଜ୍ଞ ଆରମ୍ଭ ଆରମ୍ଭ ହୋଇଛି I ଏହି ଅବସରରେ ରବିବାର ଦିନ କଳସ ଯାତ୍ରା ଅନୁଷ୍ଠିତ ହୋଇଥିବା ବେଳେ ରାତିରୁ 108 ପ୍ରହର ଅଖଣ୍ଡ ନାମ ଯଜ୍ଞ,ଅନ୍ନ ଯଜ୍ଞ, ଘୃତ ଯଞ୍ଜ, ଜ୍ଞାନ ଯଜ୍ଞ ଏବଂ ଗୋ ଯଜ୍ଞ ଆରମ୍ଭ ହୋଇଯାଇଛି I ଗହଙ୍ଗୁ ମଠାଧୀଶ ରାଘବାନନ୍ଦ ମହାରାଜଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବଡ଼ ବୋର୍ସିଂ,ଖାରିଗୁଡ଼ା,ଦଦରଲୁଣ୍ଡା, ବାଘୁଆପଲ୍ଲୀ,ସାର୍ଦ୍ଦୁଳ,ଖରିଡ଼ା ଏବଂ ସୋଲଣ୍ଡିର ସଂକୀର୍ତ୍ତନ ମଣ୍ଡଳୀ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଅଖଣ୍ଡ ନାମ ପରିବେଷଣ କରୁଛନ୍ତି I ଏହି ଅବସରରେ ମହନ୍ତ ରାଘବାନନ୍ଦ ଦାସଜୀ ମହାରାଜ,ଡଃ.ସତ୍ୟ ରଞ୍ଜନ ରଥ କଥା ରତ୍ନ ଜ୍ଞାନ ରଞ୍ଜନ ଜେନା ଶ୍ରୀରାମ କଥାମୃତ ପ୍ରବଚନ ପ୍ରଦାନ କରୁ୍ଥିବା ବେଳେ ମାଆ ତାରିଣୀ ଭଜନ ସମାରୋହ ଅନୁଷ୍ଠାନ ପକ୍ଷରୁ ଭଜନ ପରିବେଷଣ କରାଯାଉଛି I ଆସନ୍ତା ମଙ୍ଗଳବାର ଠାରୁ ପ୍ରବଚକ ମାନଙ୍କ ଦ୍ୱାରା ଭାଗବତ କଥାମୃତ ପରିବେଷଣର କାର୍ଯ୍ୟକ୍ରମ ରହିଛି I ପ୍ରତ୍ୟେକ ଦିନ ଯଜ୍ଞ ଦେଖିବା ପାଇଁ ଏବଂ ପ୍ରସାଦ ସେବନ କରିବା ପାଇଁ ପ୍ରବଳ ଭିଡ଼ ଦେଖିବାକୁ ମିଳୁଛି I ମୀନା ବଜାର ଏବଂ ବିଭିନ୍ନ ପ୍ରକାର ଦୋଳିର ମଜା ଉଠାଇବାକୁ ଶିଶୁ ,ମହିଳା ଏବଂ ଯୁବ ଗୋଷ୍ଠୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳୁଛି I କାର୍ଯ୍ୟକ୍ରମରେ ବଡ଼ବୋର୍ସିଂ ଗ୍ରାମବାସୀ ପୂର୍ଣ୍ଣ ସହଯୋଗ କରୁଛନ୍ତି I