ଶୀତ ସତ୍ତ୍ୱେ ଉପସ୍ଥିତ ରହିଲେ ହଜାର ହଜାର ଦର୍ଶକ
ବାସୁଦେବପୁର - ଭଦ୍ରକ ଜିଲ୍ଲା ବାସୁଦେବପୁର ବ୍ଳକ ଅନ୍ତର୍ଗତ ସ୍ଥାନୀୟ ବାରାପୁର ଠାରେ ମହାବୀର କ୍ଳବ୍ ପକ୍ଷ ରୁ ମକର ପଡିଆ ରେ ମକର ମହୋତ୍ସବ ୨୦୨୫ ର ଉଦ୍ ଘାଟନ ହୋଇ ଯାଇଛି। ତିନି ଦିନ ଧରି ଅନୁଷ୍ଟିତ ହେବାକୁ ଥିବା ଏହି ମହୋତ୍ସବ କୁ ମୁଖ୍ୟ ଅତିଥି ଭାବେ ବିଧାୟକ ଅଶୋକ କୁମାର ଦାସ, ମୁଖ୍ୟ ବକ୍ତା ଭାବେ ପୂର୍ବତନ ବିଧାୟକ ମୁକ୍ତି କାନ୍ତ ମଣ୍ଡଳ, ସମ୍ମାନିତ ଅତିଥି ଭାବେ ମଞ୍ଜୁଲତା ମଣ୍ଡଳ, ଓଡ଼ିଆ ଅଧ୍ୟାପକ ସତ୍ୟ ସୁନ୍ଦର ମହାକୁଡ, ନନ୍ଦ ଦୁଲାଲ ଘଡାଇ, ବୃନ୍ଦାବନ ଚନ୍ଦ୍ର ବେହେରା, ସରପଂଚ ସୁବାସ ସନ୍ଧି ବିଗ୍ରହ, ସମିତି ସଭ୍ୟ ବୁଲୁ ବିନ୍ଧାଣି ପ୍ରମୁଖ ଯୋଗ ଦେଇଥିଲେ। ମହାବୀର କ୍ଳବ୍ ର ସଭାପତି ବିଧୁ ଭୂଷଣ କର ଙ୍କ ସଭାପତିତ୍ବ ରେ ସଭା କାର୍ଯ୍ୟ ଅନୁଷ୍ଟିତ ହୋଇଥିଲା ବେଳେ ଅମିୟ ପାଣିଗ୍ରାହୀ ସଂଯୋଜନା କରିଥିଲେ। ମହାବୀର କ୍ଳବ୍ ର ସମସ୍ତ ସଦସ୍ୟ ମାନଙ୍କ ଉପସ୍ଥିତ ରେ ଏହି ମହୋତ୍ସବ ତିନି ଦିନ ଧରି ଚାଲି ୧୬ ତାରିଖ ରେ ଉଦ୍ ଜାପାନୀ ହେବ। ମୀନା ବଜାର ସହ ନୃତ୍ୟ, ସଙ୍ଗୀତ ସହ ଓଡ଼ିଶା ରେ ଜଣା ଶୁଣା କଣ୍ଠ ଶିଳ୍ପୀ ମାନଙ୍କୁ ନେଇ ସାଂସ୍କୃତିକ କାର୍ଯ୍ୟ କର୍ମ ର ଆୟୋଜନ କରାଯାଇଛି। ସ୍ଥାନୀୟ ଅଞ୍ଚଳ ର ବିଭିନ୍ନ ସ୍ଥାନ ରୁ ହଜାର ହଜାର ଲୋକ ମାନଙ୍କ ଗହଳ ଚହଳ ଲାଗି ରହି ଥିବାର ଦେଖା ଯାଇଛି।
