ଭୁବନେଶ୍ୱର : ଧାମନଗର ଉପନିର୍ବାଚନ ପାଇଁ ବିଜେପି ପକ୍ଷରୁ ପ୍ରାର୍ଥୀ ହୋଇଛନ୍ତି ଦିବଂଗତ ବିଧାୟକ ବିଷ୍ଣୁ ସେଠୀଙ୍କ ପୁଅ ତଥା ବିଜେପି ଜିଲ୍ଲା ଯୁବମୋର୍ଚ୍ଚାରେ ସଂଯୋଜକ ଭାବେ କାର୍ଯ୍ୟ କରୁଥିବା ସୂର୍ଯ୍ୟବଂଶୀ ସୂରଜ | ସୁରଜ ରାଜନୀତିରେ ସକ୍ରିୟ ରହିବା ସହ ବାପାଙ୍କ ନିର୍ବାଚନ ପ୍ରଚାର ତଥା ନିର୍ବାଚନ ମଣ୍ଡଳୀ କାର୍ଯ୍ୟରେ ତାଙ୍କୁ ସହଯୋଗ କରି ଆସୁଥିଲେ | ରାଜନୀତି ମୈଦାନ ପାଇଁ ଆବଶ୍ୟକ ପ୍ରସ୍ତୁତ ଥିବା ତଥା ଲୋକଙ୍କ ଭିତରେ ବେଶ ପରିଚିତ ଥିବା ସୁରଜଙ୍କ ବିଜେପି ପ୍ରାର୍ଥୀ କରିବାର ବେଶ ଆଗରୁ ସେ ନିର୍ବାଚନମଣ୍ଡଳୀରେ ବୁଲାବୁଲି ଆରମ୍ଭ କରି ଲୋକଙ୍କ ଆଶୀର୍ବାଦ ଭିକ୍ଷା କରୁଥିବା ଦେଖିବାକୁ ମିଳିଥିଲା । ହେଲେ ବିଜେଡି ଏଯାଏ ପ୍ରାର୍ଥୀ ଘୋଷଣା କରିନଥିବା ବେଳେ କଂଗ୍ରେସ ଏଥିପାଇଁ ତର୍ଜ୍ଜମା ଜାରି ରଖିଥିବା ଜଣାପଡିଛି |