ଭୁବନେଶ୍ୱର: ପୁରୁଣା ଭୁବନେଶ୍ୱରରେ ଚଳିତ ବର୍ଷ ୨୩ଟି ମେଢ଼ ହୋଇଥିଲା । ଏକାମ୍ର କ୍ଷେତ୍ରରେ ଭାଇଚାରା ବୃଦ୍ଧି କରିବା ପାଇଁ ପ୍ରତି ବର୍ଷ ପରି ମିଳିତ ଭଷାଣ କରାଯାଇଥିବା ବେଳେ ଏକାମ୍ର ସଂଗଠନ ପକ୍ଷରୁ ବଢ଼େଇବାଙ୍କ ଛକଠାରେ ‘ସାହି ମୁରବୀଙ୍କୁ ସମ୍ମାନ’ କାର୍ଯ୍ୟକ୍ରମ କରାଯାଇଥିଲା । ବର୍ଷା ସ୍ୱତେ ଭଷାଣ ବେଳେ ସାହି ମୁରବୀମାନଙ୍କୁ ବିଜେପି ନେତା ଅମୀୟ ଦାଶ ସମ୍ମାନ ପ୍ରଦାନ କରିଥିଲେ । ଏହାକୁ ମଦନ ମୋହନ ପ୍ରଧାନ, ସୁନୀଲ ପଣ୍ଡା, ଶକ୍ତି ପ୍ରସାଦ ସାହୁ, ଅନିକେତ ବଟୁ, ଶେଷ ଶେଖର ଗରାବଡ଼ୁ, ସୂର୍ଯ୍ୟ ସ୍ୱରୂପ ମହାନ୍ତି, ନିଶାନ ମକଦ୍ଦମ ଓ ବହୁ ବ୍ୟକ୍ତି ସାମିଲ ହୋଇଥିଲେ । ଏହି ଅବସରରେ ସେଠାରେ ଅମୀୟ ଦାଶଙ୍କ ଜନ୍ମଦିନ ପାଳନ ସହ ବିଭିନ୍ନ ମୁରବୀ ଓ ବିଶିଷ୍ଟ ବ୍ୟକ୍ତିଙ୍କ ଦ୍ୱାରା କେକ୍ କଟାଯାଇ ଜନ୍ମଦିନ ପାଳନ କରାଯାଇଥିଲା ।